| e-texts navigator |
| Wylie |
156b1 གཅིག་པ་བྱས་ན། རྐུན་མ་ལ་སོགས་པས་གནོད་པར་མི་འགྱུར་རོ། །དབྱུག་པ་དེ་འཇིགས་པ་ཆེན་པོ་ལ་ཡང་ཁྱེར་ཞིང་ཡི་གེ་དྲུག་པ་བཟླས་ན། འཇིགས་པ་ཐམས་ཅད་ལས
156b2 ཡོངས་སུ་སྲུང་བར་འགྱུར་རོ། །འོག་ཏུ་ཟླ་བའི་དཀྱིལ་འཁོར་གྱི་སྟེང་དུ་ཡང་ཟླ་བའི་དཀྱིལ་འཁོར་ཨ་ལས་སྐྱེས་པ་དེར་བདག་ཉིད་ཡིབ་པར་བྱའོ། །འོད་ཟེར་ཅན་བདག་ལ
156b3 སྐྱོབས་ཤིག་ཅེས་བྱ་བ་ལ་སོགས་པ་སྔོན་དུ་བསྟན་པའི་སྔགས་བཟླས་པ་བྱའོ། །ཟླ་བ་དང་ཉི་མ་ཕན་ཚུན་འོད་ཟེར་གཉིས་འདྲེས་པ་ནི། འཇིགས་པ་ཐམས་ཅད་ཀྱི་དུས་སུའོ། །
156b4 ཉལ་བའི་དུས་སུ་མལ་སྟན་ལ་འདུག་སྟེ་ཙྱེའི་ཡི་གེ་མངོན་པར་བྲིས་ལ་རྐང་པ་གཡོན་པར་བཞག་སྟེ་མི་བསྐྱོད་པ་བསྒོམ་པར་བྱའོ། །དེས་ནི། རྐུན་མས་མི་ཚུགས་ཏེ། བཅིངས
156b5 ཏེ་རྨོངས་ནས་འདུག་གོ་། ཡང་ན་བཅོམ་ལྡན་འདས་མ་ནི། ལས་ཀྱི་རྗེས་སུ་འབྲང་བའི་མདོག་ཡིན་ཏེ། དབང་ལ་ནི། དམར་པོ་ཕྱག་གཉིས་པ། གཞུ་དང་མདའ་བསྣམས་པའི
156b6 ཕྱག་ཅན། ཉི་མའི་དཀྱིལ་འཁོར་ལ་གནས་པའོ། །ཞི་བ་ལ་ནི། དཀར་པོ་ཕྱག་བཞི་པ། གཅིག་ན་མཆོག་སྦྱིན་པ། གཉིས་པ་ན་རྡོ་རྗེ་དང་། གཡོན་པའི་དང་པོ་ན་ཤིང་མྱ་ངན
156b7 མེད་པའི་ཡལ་ག་། གཉིས་པ་ན་མི་འཇིགས་པའི་ཕྱག་རྒྱ་མཛད་པ་པདྨ་དཀར་པོ་ལ་གནས་པའོ། །རྒྱས་པ་ལ་ནི། ཕྱག་བཞི་པ་ཅུང་ཟད་དཀར་བ། ཕྱག་གཉིས་པ་ན་དགྲ་སྟ་དང
iiif viewer powered by OpenSeadragon
