| e-texts navigator |
| Wylie |
156a1 ཁ་འོག་ཏུ་བལྟས་ལ་བཞག་སྟེ་ཐལ་བས་བསྣུན་པར་བྱའོ། །ཕན་ཚུན་དུ་མཐུན་པར་བྱ་བའི་སྦྱོར་བ་ནི། མ་ཏཾ་གའི་རས་ལ་དུར་ཁྲོད་ཀྱི་སོལ་བ་དང་། ཀུ
156a2 ཤའི་ཁུ་བས་འཁོར་ལོ་བྲིས་ལ་རྐང་པ་གཡོན་པས་མནན་ཏེ་སྐུད་པ་དང་ལྕགས་ཀྱུ་བཟུང་བའི་བརྡ་མཆོག་གིས་རྣལ་འབྱོར་གྱིས་ལ་དྲུད་པར་བྱའོ། །གཞན་ཡང་རིག་སྔགས
156a3 གཅོད་པ་ནི། ཐུན་མོང་གི་རས་ལ་ཆུ་ཤིང་གི་ལོ་མའི་ཁུ་བས་ཆུས་ཁྱེར་བའི་ཤིང་གི་སྨྱུ་གུས་འཁོར་ལོ་བྲིས་ལ་གཅེར་བུ་སྐྲ་གྲོལ་བ་ཞི་བའི་གནས་སུ་འཁོར་ལོས་བསྒྱུར་བ
156a4 ལྟ་བུའི་གོ་འཕང་གི་རྒྱལ་མཚན་གྱི་མགོ་ལ་བཞུགས་སུ་གསོལ་ལོ། །བཅིངས་པ་ལ་ནི། ས་ལ་སོགས་པ་ལ་སྒྲུབ་པ་བྱས་ལ་ཞི་བའི་གནས་སུ་དཀྱིལ་འཁོར་གྲུ་གསུམ་པའི
156a5 དབུས་སུ་བྱི་ལའི་ཁྲག་གིས་འཁོར་ལོ་བྲིས་ལ་དེའི་ནང་དུ་བཅུག་སྟེ་མ་མོའི་ཁང་པར་སྦས་ན། ཕན་ཚུན་འབྱེ་ཞིང་མི་མཐུན་པ་ཆེན་པོར་འགྱུར་རོ། །རྨོངས་པར་བྱ་བ་ལ་ནི།
156a6 ཐོད་ལེ་ཀོར་གྱིས་བྱུགས་པ་ལ་དུག་གིས་སྦྲུལ་བྲིས་ཏེ་སྦྲུལ་མགོ་གསུམ་པ་གཡོན་པའི་ལག་པས་བཟུང་ནས་མདུན་དུ་དགྲ་ལ་བསྡིགས་པ། ཟླ་བ་དང་ཉི་མ་གཉིས་ལན་ཉི
156a7 ཤུ་རྩ་གཅིག་ཏུ་གཡས་སུ་བསྐོར་བ་བསྒོམ་པར་བྱའོ། །སྤེལ་ཚིག་དང་བཅས་པའི་སྔགས་བཟླས་ཏེ་དབྱུག་པའི་སྟེང་གི་རྩེ་མོ་ལ་རྡོ་རྗེ་རྩེ་གསུམ་པ། འོག་གི་རྩེ་མོ་ལ་རྡོ་རྗེ་རྩེ
iiif viewer powered by OpenSeadragon
