| e-texts navigator |
| Wylie |
467b1 པས་དབང་དུ་འགྱུར་རོ། །ཡི་གེ་ཡཾ་ལས་ཡོངས་སུ་གྱུར་པའི་རླུང་གི་དཀྱིལ་འཁོར་ཡོངས་སུ་བསམས་ལ། དེའི་སྟེང་དུ་ཡོངས་སུ་གནས་པའི་བསྒྲུབ་པར་བྱ་བ་སྐྲ་མ
467b2 བཅིངས་ཤིང་གཅེར་བུ་མགྲིན་པ་ཞགས་པས་བཅིངས་པ། སྙིང་ལ་ལྕགས་ཀྱུས་བསྣུན་པ། རླུང་གི་ཤུགས་ཅན་གྱི་རིག་སྔགས་ཀྱིས་ཐམས་ཅད་དྲངས་ཏེ་སྒྲུབ་པ་པོའི
467b3 རྐང་པའི་དྲུང་དུ་ལྷུང་ཞིང་བྱ་བ་ཐམས་ཅད་རྣམ་པར་བསམ་པར་བྱའོ། །གོམས་པར་བྱས་པས་ནམ་མཁའ་ལས་འདྲེན་པར་ཡང་བསྒོམས་པ་ཙམ་གྱིས་འགྱུར་རོ། །མར་དང
467b4 སྦྲང་རྩི། ཀ་ར་ལྷུང་བཟེད་ཀྱི་ནང་དུ་བཅུག་སྟེ། དུས་གསུམ་དུ་མེ་ཏོག་དྲི་ཞིམ་པོ་ལ་སོགས་པས་མངོན་པར་མཆོད་ཅིང་སྔགས་བཟླས་ན་གང་འདོད་པ་དེ་དབང་དུ་འགྱུར
467b5 རོ། །པདྨ་དཀར་པོའི་སྡོང་བུ་བྱས་ལ་བ་སེར་སྐྱའི་མར་གྱིས། སོ་མ་བཏང་བའི་ཁམ་ཕོར་ལ་དུ་བ་ཆགས་པ་ལ་བརྒྱ་རྩ་བརྒྱད་མངོན་པར་སྔགས་པས་མིག་ལ་བསྐུས་ན་སྐྱེ
467b6 བོ་ཐམས་ཅད་དགའ་བར་འགྱུར་རོ། །དུར་ཁྲོད་དུ་ཀ་པཱ་ལ་ཆེན་པོ་ལ་པདྨ་དཀར་པོའི་སྡོང་བུ་དང་། སྣུམ་ཆེན་པོས་མར་ངོའི་ཚེས་བརྒྱད་དམ། བཅུ་བཞིའི་མཚན་མོ
467b7 དུ་བ་བསྒྲུབ་པར་བྱས་ལ། དེས་མིག་ལ་བསྐུས་ན་ཐམས་ཅད་དགའ་བར་འགྱུར་རོ། ། མ་ལེ། བི་མ་ལེ། ཀུ་མ་ཀུ་མེ། ས་མ་ཡེ་ན། བད་དྷོ་སི། བིན་དྭ་ན། ཨིཙྪ། ཨིཙྪ།
iiif viewer powered by OpenSeadragon
