| e-texts navigator |
| Wylie |
467a1 སྤོས་དྲི་ཞིམ་པོས་བདག་ཉིད་ལ་བདུགས་ན་སྐྱེ་བོ་ཐམས་ཅད་དགའ་བར་འགྱུར་རོ། །མེ་ཏོག་དམར་པོའི་སྦྱིན་སྲེག་གང་གི་མིང་དང་བྱས་པ
467a2 དེ་དབང་དུ་འགྱུར་རོ། །བཟའ་བ་དང་། བཏུང་བ་ལ་མངོན་པར་སྔགས་ཏེ་གང་ལ་བྱིན་པ་དེ་དབང་དུ་འགྱུར་རོ། །སྐྱེས་བུ་ཆེན་པོ་དབང་དུ་བྱེད་པ་ཡུངས་ཀར་གྱི་སྦྱིན་སྲེག
467a3 བྱའོ། །ཕྱིས་ཚེས་གྲངས་དང་། རྒྱུ་སྐར་དང་། ཞག་བཟང་པོ་ལ་བཅོམ་ལྡན་འདས་ལ་མཆོད་པ་བྱས་ཏེ། གྲོ་གའམ། གོས་ལ་གུར་གུམ་མམ། གི་ཝང་ངམ།
467a4 ག་བུར་ལ་སོགས་པས་ཨུཏྤ་ལའི་འདབ་མ་ལྟ་བུའི་རྩིབས་བཅུ་དྲུག་པའི་འཁོར་ལོ་བྲིས་ལ། འཁོར་ལོའི་དབུས་སུ་སྒྲུབ་པ་པོ་དང་། བསྒྲུབ་བྱའི་མིང་དང་བཅས
467a5 པའི་སྔགས་བྲི་བར་བྱའོ། །འདབ་མ་རྣམས་ལ་ཀུ་རུ་ཀུལླེ་ཞེས་བྱ་བའི་ཡི་གེ་བཞིས་བརྟེན་པའི་དབུས་སུ་བསྒྲུབ་བྱ་གཅིག་པུའི་མིང་བྲི་བར་བྱའོ། །ཕྱི་རོལ་ནས་ཡི
467a6 ག་ཨེ་ཨོཾ་རིམ་པ་གསུམ་དུ་བྱས་པའི་འཁོར་ལོ་ལ་སྐུད་པ་དམར་པོས་བཅིངས་ནས་སྤྲ་ཚིལ་གྱི་རང་བཞིན་ཅན་གྱི་གཟུགས་ཀྱི་སྙིང་གའི་དབུས་སུ་བཅུག་ལ་སེང
467a7 ལྡེང་གི་མེ་མདག་ལ་དུས་གསུམ་དུ་བསྲོས་ན་རྐང་པས་འགུགས་པར་བྱེད་དོ། །སྐྱེས་པའམ། བུད་མེད་དབང་དུ་བྱེད་ན་ཟངས་མའི་ཁབ་ཀྱིས་རྐང་པ་ཕུག་ལ་བསྲོས
iiif viewer powered by OpenSeadragon
