| e-texts navigator |
| Wylie |
462b1 ཡཱངྒེ་མ་ཧཱ་སྭ་ར་ས་ཏྱེ་ནམཿ་རྗེ་བཙུན་འཕགས་མ་སྒྲོལ་མའི་སྙིང་པོ་འདིས་ལས་ཐམས་ཅད་བྱེད་པར་འགྱུར་རོ། །ོཾ་པྲ་ཀྲྀ་ཏི་པ་རི་ཤུདྡྷཿ། སརྦ་དྷརྨཿཔྲ་ཀྲྀཏྱཱ། བ་རི་ཤུདྡྷོུ྅
462b2 ཧཾ|་ས་པཱ་ཧྱཱ་བྷྱཱ་ན་ད་ར་ན་མ་ཨི་ཏི། ཞེས་བྱ་བས་ཕྱི་དང་ནང་དུ་རྒྱུ་བ་དང་། མི་རྒྱུ་བ་དང་བཅས་པའི་སྣ་ཚོགས་དང་། བདག་ཉིད་རང་བཞིན་གྱིས་ཡོངས་སུ་དག་པར
462b3 བསམས་ལ་པདྨ་དཀར་པོ་ཁྲུ་བདུན་པའི་ཚད་དང་། དེའི་སྟེང་དུ་ཟླ་བའི་དཀྱིལ་འཁོར། དེའི་དབུས་སུ་ཕྱག་གཉིས་པ་པདྨ་དང་། མཆོག་སྦྱིན་གྱིས་རྣམ་པར
462b4 མཛེས་པ། བཅོམ་ལྡན་འདས་མ་ཐུགས་རྗེ་ཆེན་པོའི་རང་བཞིན་གྱི་སྐུ་ཅན། གཅིག་ཏུ་གཞན་ལ་ཕན་འདོགས་པར་ཞུགས་པ། སྒྲུབ་པ་པོ་རྣམས་ལ་མངོན
462b5 པར་འདོད་པའི་དངོས་གྲུབ་སྩོལ་བ་ལ་དགྱེས་པ། སྟོན་ཀའི་ཟླ་བ་ལྟར་དཀར་བ། ཙནྡན་དཀར་པོའི་ལྡེ་གུས་བྱུགས་ཤིང་མེ་ཏོག་གིས་མཛེས་པར་བརྒྱན་པ། ན
462b6 བཟའ་དཀར་པོ་དང་། མུ་ཏིག་གི་ཕྲེང་བས་ཐུགས་ཀ་མཛེས་པར་བྱས་པ། སྐུ་རིན་པོ་ཆེ་སྣ་ཚོགས་ཀྱི་རྒྱན་གྱིས་བརྒྱན་པའི་སྐུ་ལས་ཡོངས་སུ་སྤྲོས་པའི་འོད་ཟེར་སྟོང
462b7 གིས་མཐའ་ཡས་ཤིང་དཔག་ཏུ་མེད་པའི་འཇིག་རྟེན་གྱི་ཁམས་སྣང་བར་བྱེད་པ། ལོ་བཅུ་གཉིས་ཀྱི་ན་ཚོད་དུ་འཁྲུངས་པའི་སྐུ་ཅན། ངག་གི་དབང་ཕྱུག་ཆེན
iiif viewer powered by OpenSeadragon
