| e-texts navigator |
| Wylie |
451b1 སྦྲུལ་གདུག་པ་རྣམས་ཁྱིམ་མམ། གྲོང་ངམ། གྲོང་ཁྱེར་དུ་ཇི་སྲིད་འདོད་ཀྱི་བར་དུ་མཆེ་བ་འཆིང་བར་བྱེད་དོ། །ཕྱུང་བས་གྲོལ་བར་འགྱུར་རོ། །སྔགས་འདི་མ་བསྒྲུབས་སུ་ཟིན་ན
451b2 ཡང་ལས་ཐམས་ཅད་བྱེད་པར་འགྱུར་རོ། །གསེག་མ་ལ་སོགས་པ་ལ་ཡོངས་སུ་བཟླས་ཏེ་གཏོར་ན་མཆེ་བ་ཅན་ཐམས་ཅད་ཀྱི་མཆེ་བ་འཆིང་བར་བྱེད་དོ། །དེ་དབང་ཆེན་གྱི
451b3 དཀྱིལ་འཁོར་གྱིས་ཁྱབ་པའི་སྣ་ཚོགས་རྡོ་རྗེའི་དབུས་སུ་བསྒྲུབ་པར་བྱ་བའི་མིང་དང་བཅས་པའི་སྔགས་ཐམས་ཅད་བྲི་བར་བྱའོ། །དུར་ཁྲོད་ཀྱི་རོ་བསྲེགས་པའི་ཤིང་གི
451b4 ཕུར་བུ་ལ་ལན་བདུན་མངོན་པར་སྔགས་པའི་སྒོའི་སྟེང་དུ་སྦས་ན་སྐྱེད་ཀྱིས་འཚོ་བ་ཐམས་ཅད་ཀྱི་སྐྱེད་མེད་པར་བྱེད་དོ། །ཕྱུང་བས་གྲོལ་བར་འགྱུར་རོ། །ོཾ་ནི་ཧི་ནི་ཙྪ
451b5 ལེ་ཨ་བྷ་ཡ་བྷ་ཡཾ་ཀ་རི། ཨེ་ལུ་བེ་ལུ་ཙུ་ལེ་ལུ། ཤི་ལཱ་ཡ་ཌ་ཨི་ཛ་ཧ་ཡེ། པཊྚ་ཨི་ཛཊྚ། ཨེ་པེ་ལུ་ཨཱ་ག་ས་པ་ཐེ་ཀེ་ར་ཏེ། ཨི་ཨ་ཏུམྦྷ་རི་ཁི་ནྣི་ཁི་ལླ་མོ་ཧི་ནི་ཐི་བྷི་ཛ་ཀཱ་རཾ་ཛ
451b6 ཧི་ཐཱ་ཀཱ་རོ་ཎི་ཧི་ཋཿཋཿསྭཱཧཱ། སྔགས་ཀྱི་རྒྱལ་པོ་འདིས་སྡར་སྨོས་པའི་ལས་རྣམས་མ་བསྒྲུབས་སུ་ཟིན་ཀྱང་བྱེད་པར་འགྱུར་རོ། །དེ་ལས་གཞན་པ་མངོན་པར་འདོད
451b7 པའི་ལས་ཐམས་ཅད་བྱེད་པ་ཐེ་ཚོམ་མེད་དོ། །ལན་ཚ་དང་། སྐེ་ཚེའི་སྦྱིན་སྲེག་གམ། ཕུབ་མའི་སྦྱིན་སྲེག་གིས་ཕ་རོལ་གྱི་དཔུང་གི་ཚོགས་རྣམས་འབྱེར་བར་བྱེད་དོ། །
iiif viewer powered by OpenSeadragon
