| e-texts navigator |
| Wylie |
437b1 ཐམས་ཅད་ཀྱི་དོན་དུ་བྱང་ཆུབ་ཏུ་བསྔོ་བར་བྱའོ། །འདི་དག་ནི་བླ་མ་རྡོ་རྗེ་གདན་པས་མདོ་རྒྱུད་ནས་ཕྱུང་སྟེ། བ་རི་ལོཙྪ་བས་བསྒྱུར་བའོ།། །།རྒྱ་གར་སྐད་དུ། ཨཱཪྱ་མ་ཧཱ་མ་ཎི་བི
437b2 པུ་ལ་བི་མཱ་ན་སུ་པྲ་ཏིཥྛི་ཏ་གུ་ཧྱ་ན་པ་ར་མ་ར་ཧ་སྱད་ཀལྤ། རཱ་ཛ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ
437b3 དམ་པའི་གསང་བའི་ཆོ་ག་ཞིབ་མོའི་རྒྱལ་པོ་ཞེས་བྱ་བའི་གཟུངས། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས
437b4 བཅོམ་ལྡན་འདས་ཀྱིས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་འདུས་པ་དང་པོ་ལ་བདུད་བྱེ་བ་ཕམ་པར་མཛད། དཔྱོད་པ་པ་དང་། ཀུན་ཏུ་རྒྱུ་དང་། གཅེར་བུ་པ་ཐམས་ཅད་དང་། མུ
437b5 སྟེགས་ཅན་གཞན་རྣམས་ཀྱང་བཏུལ་ནས་ཕམ་པར་མཛད་དེ། འཁོར་བའི་སྐྱོན་འཁོར་བའི་ཆུ་བོའི་ཕ་རོལ་ཏུ་གཤེགས་སོ། །གང་གི་ཚེ་བདུད་ཀྱི་སྡེ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ
437b6 གཡོག་བདུད་ཀྱི་སྡེ་ཕྲག་དཀྲིགས་པ་ཅན་དག་གིས་འཛམ་བུའི་གླིང་བཀང་བ་དེའི་ཚེ་བཅོམ་ལྡན་འདས་ཀྱིས་ས་བཞིར་རྡོ་རྗེར་བྱིན་གྱིས་བརླབས་ནས། སེམས་ཅན་དེ་དག་གིས་འཇིགས་ཤིང
437b7 འཇིགས་སུ་རུང་བའི་སྒྲ་ཡང་མ་ཐོས་ཤིང་མཚོན་ཆའི་ཆར་དེ་དག་ཐམས་ཅད་ཀྱང་མེ་ཏོག་སྣ་ཚོགས་སུ་བབ་པར་གྱུར་ཏོ། །རྒྱལ་པོའི་ཁབ་ཀྱི་གྲོང་ཁྱེར་གྱི་སུམ་མདོའི་དབུས་དེའི་ས་དེ་ཡང
iiif viewer powered by OpenSeadragon
