| e-texts navigator |
| Wylie |
273a1 མོངས་ཆེ། །འཁོར་རྣམས་མཉམ་པ་ཉིད་དུ་གནས། །འཇིག་རྟེན་གསུམ་འདུལ་བའི་རྒྱུད་ལས། ས་སྟེང་འདུལ་བའི་ལེའུ་སྟེ་བཞི་པའོ།། །།
273a2 དེ་ནས་མི་མཛེད་ཀྱི་འཇིག་རྟེན་གསུམ་དང་། འཇིག་རྟེན་གྱི་ཁམས་གཞན་ནས་བྱོན་པའི་འཇིག་རྟེན་གསུམ་པོ་རྣམས་བཅོམ་ལྡན་འདས་རྡོ་རྗེ་འཛིན་པ་ལ་མཆོད་པ་དང་།
273a3 བསྟོད་པ་བྱས་ཏེ་རང་རང་གི་གནས་སུ་དོང་ངོ་། །དེ་ནས་རྡོ་རྗེ་འཛིན་པས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་རྒྱུད་འདི་འདས་པའི་སངས་རྒྱས་ཐམས་ཅད་ཀྱིས་གསུངས
273a4 པ་འདི་ཆོངས་ཤིག། ལྷོགས་ཤིག། ཅེས་གསུངས་སོ། །འཇིག་རྟེན་གསུམ་འདུལ་བའི་རྒྱུད་ལས། ཡོངས་སུ་གཏད་པའི་ལེའུ་སྟེ་ལྔ་པའོ། །འཇིག་རྟེན་གསུམ་འདུལ
273a5 བའི་རྒྱུད་རྫོགས་སོ། ། །།རྒྱ་གར་གྱི་མཁན་པོ་དཱི་པཾ་ཀ་ར་དང་། ཞུས་ཆེན་གྱི་ལོཙྪ་བ་དགེ་སློང་རིན་ཆེན་བཟང་པོས་བསྒྱུར་བའོ།། །།རྒྱ་གར
273a6 སྐད་དུ། ཏྲི་ས་མ་ཡ་བྱཱུ་ཧ་རཱ་ཛ་ནཱ་མ་ཏནྟྲ། བོད་སྐད་དུ། དམ་ཚིག་གསུམ་བཀོད་པའི་རྒྱལ་པོ་ཞེས་བྱ་བའི་རྒྱུད། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཕྱོགས
273a7 བཅུའི་འཇིག་རྟེན་གྱི་ཁམས་མཐའ་ཡས་པ་ན་རྣམ་པར་གནས་པའི་སངས་རྒྱས་དང་། བྱང་ཆུབ་སེམས་དཔའ་དང་། འཕགས་པའི་དགེ་འདུན་ཐམས་ཅད་ལ་ཕྱག་འཚལ
iiif viewer powered by OpenSeadragon
