| e-texts navigator |
| Wylie |
268b1 བཅོམ་ལྡན་འདས་རྡོ་རྗེ་འཛིན་པ་ལ་བྱང་ཆུབ་སེམས་དཔའ་ཕྱག་ན་རྡོ་རྗེས་མཆོད་པ་ཐམས་ཅད་ཀྱིས་མཆོད་དེ་ལན་གསུམ་དུ་བསྐོར་བ་བྱས་ནས་ཡང་དང་། ཡང་དུ་ཕྱག་བྱས་ནས
268b2 གསོལ་བ་བཏབ་པ། སེམས་ཅན་ཀུན་ལ་ཕན་པའི་ཕྱིར། །བསྲུང་བ་རྣམས་ཀྱི་མཆོག་གྱུར་པ། །ཕྱག་ན་རྡོ་རྗེ་བསྲུང་པའི་རྒྱུད། །ཞེ་སྡང་གཙོ་བོས་བཤད་དུ་གསོལ། །དེ་ནས་སྟོན
268b3 པ་རྡོ་རྗེ་འཛིན། །ཞེ་སྡང་ཀུན་གྱི་རྒྱ་མཚོ་གཙོ། །འབར་བ་དྲག་པོ་སྤྱན་ཡངས་པས། །གསུང་ནི་འདི་སྐད་བཀའ་སྩལ་ཏོ། །ཟླ་བའི་དཀྱིལ་འཁོར་ལ་གནས་པའི། །དབུས་སུ་ཕྱག་ན
268b4 རྡོ་རྗེ་བྲི། །དེ་མཐའ་མཚན་མ་ཉི་ཤུ་བཞི། །རང་དབུས་སརྦ་དུཥྚཾ་དང་། །སྡེ་ཚན་དང་པོ་བཅཝ་བརྒྱད་དགོད། །དབུས་མཚན་ལྟེ་བར་མིང་བྲིས་ལ། །དེ་རྣམས་ཕྱག་ན་རྡོ་རྗེའི
268b5 དབུས། །དབུས་མའི་ཕྱག་ན་རྡོ་རྗེ་ལ། །བསྟོད་པའི་སྔགས་ཀྱིས་བསྐོར་བར་བྱ། །རྡོ་རྗེ་ཉི་ཤུ་རྩ་བཞི་ལ། །ཀླུ་འདུལ་སྔགས་ཀྱིས་བསྐོར་བར་བྱ། །དེ་ནས་བཅོམ་ལྡན་འདས་རྡོ
268b6 རྗེ་འཛིན་པས་ཀླུ་འདུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སངས་རྒྱས་གང་གཱ་ཀླུང་གིས་གསུངས་པའི་རིག་སྔགས་འདི་བཀའ་སྩལ་ཏོ། །ཏདྱ
268b7 ཐཱ|་བུདྡྷ་བུདྡྷ། བི་བུདྡྷ་བི་བུདྡྷ། མ་ཧི་པྲཱཔྟ། ཧ་ར་ཧ་ར་ནཱ་གཱ་ནཱཾ། པྲ་ཧ་ར་པྲ་ཧ་ར་ནཱ་གཱ་ནཱཾ། ཙྪིནྡ་ཙྪིནྡ་ནཱ་ག་ཧྲྀ་ད་ཡཱ་ནཾ། བྷིནྡ་བྷིནྡ་ནཱ་ག་མརྨཱ་ཎི། བི་ཤིཪྱནྟུ་ནཱ་ག་ཤ་རཱི་རཾ་ཎི།
iiif viewer powered by OpenSeadragon
