| e-texts navigator |
| Wylie |
263b1 མཆོག་། ལྷ་ཡི་བརྟུལ་ཞུགས་དག་པ་བཤད། །དུས་རྣམས་ཀུན་ཏུ་དར་རས་གཙང་མའི་གོས་སྔོན་བྱིན་གྱིས་བརླབ་བྱ་ཞིང་། །བྲམ་ཟེའི་རིགས་ལྟར་དྲི་ཅན་ཟས་དང་འགྲོ
263b2 མགྱོགས་ཤ་ལས་རིང་དུ་འདུག་། སྨྱུང་བར་གནས་ཤིང་ཆུས་བཀྲུས་དཀར་གསུམ་གཙང་མའི་ཟས་ཟ་ཞིང་། །ངག་གི་རླུང་བསྔམས་དད་དང་སྙིང་རྗེས་ཡིད་བརླན་རྟག་ཏུ
263b3 བརྩོན་པར་འཇུག་། བསམ་གཏན་ཁང་པ་མདོག་ནི་སྔོ་བསྒྱུར་བ་ལྕི་དྲི་ཞིམ་ཆུ་ཡིས་བྱུགས། །དཀར་དང་སྔོ་བའི་མེ་ཏོག་བཀྲམ་ལ་སྐུ་གདུང་བླ་མ་མདུན་བཞག་ལ། །ཆོ་རིགས
263b4 བཙུན་པའི་སྒྲུབ་པ་པོས་ནི་གོས་དཀར་བགོས་ལ་ཀུ་ཤའི་སྟན་ལ་འདུག། སྙིང་རྗེས་ཁྲོས་པའི་རིག་སྔགས་དམ་པ་དག་ཅིང་མཛེས་པར་བཟླས་པ་བྱ། །རུ་རཀྴ་ཡི་བགྲང
263b5 ཕྲེང་བརྒྱ་ཕྱེད་བྱིན་གྱིས་བརླགས་ལ་ལག་གཡས་གཟུང་། །ཕྲེང་བའི་རིལ་བུ་རེ་དང་ལྷ་རེ་སྔགས་རེ་བཅས་ནས་སྙིང་གར་བཟུང་། །རྣལ་འབྱོར་འདི་རྣམས་སྤྱད་ཅིང་འགྲོ་ལ
263b6 འཇུངས་པའི་སེམས་ལྡན་པས། །བདག་དང་གཞན་ལ་ཕན་ཕྱིར་རྟོག་པ་བཤད་པ་བྱས་པ་ཡིན། །རྡོ་རྗེ་ས་འོག་ཏུ་རྒྱུ་བ་ལས། རྟོག་པ་བཞི་པའོ།། །།དབྱར་ཁ
263b7 སྐྱེས་པའི་རྩཝ་དང་ནགས་ཚལ་ལས་བྱུང་མེ་མཆེད་ལྟར། །རླུང་གིས་གྲོགས་བྱས་བསྲེགས་ནས་ཐལ་བའི་ལྷག་མའང་མ་ལུས་བཞིན། །བསྐལ་པ་དཔག་མེད་སྐྱེས་པའི
iiif viewer powered by OpenSeadragon
