| e-texts navigator |
| Wylie |
260b1 མངོན་སྤྱོད་ལས་ནི་རྒྱུད་ཀུན་ལས། །བཤད་པ་ཐམས་ཅད་འདིར་བྱའོ། །རིག་སྔགས་སྙིང་རྗེའི་ཤུགས་ཀྱིས་འགྲོ། ལས་ངན་རྒྱུན་གཅོད་བཅོས་མ་ཡིན། །ལས་ངན་དག་པའི་རང
260b2 བཞིན་དུ། །ཁྲོས་པས་དམིགས་པར་མི་འགྱུར་ཏེ། །སྦྱོར་བ་རྣམས་ནི་བཅོས་མར་འགྱུར། །བྱང་ཆུབ་བཅོས་མེད་འབང་སྤངས་པའོ། །རྡོ་རྗེ་ས་འོག་ཏུ་རྒྱུ་བ་ལས། རྟོག་པ་གཉིས
260b3 པའོ||་། །དེ་ནས་ཁམས་གསུམ་རྣམ་རྒྱལ་པོ། །སྔར་ནི་སྤྲུལ་པ་བཅུ་དྲུག་པོས། །རྟོག་པ་བཅུ་ཕྲག་དང་བཞི་ཡང་། །གཉིས་ཀྱིས་རིག་པ་འཇོམས་བྱེད་འདིར། །
260b4 སྤྲུལ་པ་བརྒྱད་དུ་བསྡུས་པ་དང་། །བདག་ཉིད་གཅིག་པུ་བསྒོམ་པའང་གསུངས། །ནམ་མཁའི་ཁམས་སུ་འབྱུང་བཞི་བསམ། །རི་རབ་ལྷུན་པོ་ཧྲཱི་ཡིག་ལས། །པདྨ་འདབ་གྲངས
260b5 ལྟེ་བ་ལ། །བླ་བའི་དཀྱིལ་འཁོར་རྫོགས་པའོ། །ཧཱུཾ་ལས་བྱུང་བའི་ཁྲོ་བོ་ནི། །ཞལ་གཅིག་ཕྱག་བཞིན་བཟའ་སྔོ། །རྡོ་རྗེ་དྲིལ་བུ་མདའ་གཞུ་འགེངས། །སྦྲུལ་དང་མི་སྡུག་མགོས
260b6 བརྒྱན་ཅིང་། །སྟག་ལྤགས་སྨེད་དཀྲིས་འཇིགས་སེལ་བ། །ཁྲོ་བོ་རྣམ་རྒྱལ་བསྒོམ་པར་བྱ། །ཐུགས་ཀའི་ཧཱུཾ་གི་སྦྱོར་བ་ཡིས། །ཤར་ལ་སོགས་པའི་ཕྱོགས་མཚམས་སུ། །
260b7 འཇིག་རྟེན་གསུམ་སྣང་རྡོ་རྗེ་དང་། །འཇིག་རྟེན་གསུམ་འདུལ་རིན་ཆེན་དང་། །འཇིག་རྟེན་གསུམ་འཆིང་པདྨ་དང་། །འཇིག་རྟེན་གསུམ་འཇིགས་ལས་ཉིད་དག་།གཡས་རྣམས
iiif viewer powered by OpenSeadragon
