| e-texts navigator |
| Wylie |
260a1 ཅན་ཞི་མི་འདུལ། །གཉིས་ཀྱི་སྦྱོར་བས་རྒྱུན་གཅོད་བྱ། །ཁྲག་དང་དུག་སོགས་རྫས་དག་ལ། །རིག་པ་བཟློག་པས་བསྒྲུབས་ནས་ནི། །ཤིན་ཏུ་ཁྲོས
260a2 པའི་ཁྲོ་བོ་ཡིས། །དགུག་དང་གཞུག་དང་མྱོས་བསད་དང་། །ཆོ་གས་གདུག་པ་དབང་བྱས་ལ། །བསྲེག་པ་ལ་སོགས་ལས་བྱའོ། །བརྒྱད་དང་བཅུ་བཞིའི་དུས་ཀྱི་ཚེ། །སྐྱ
260a3 རེངས་ཤར་དང་དམར་རེངས་ཆ། །ཉིན་མཚན་ཟད་པའི་དུས་ཀྱི་ཚེ། །སྐྲ་བཀྲོལ་བཅུད་འཛག་གཅེར་བུ་ནི། །བྱོལ་སོང་གནས་སུ་ཁྲག་སྐྱུག་གོ་།ལུས་དབུས་མེ་འབར་བསྒྲུབ
260a4 བྱ་དེ|་|ཁྲོ་བོའི་སྤུ་ཡི་བུ་ག་ལས། །སྤྲོས་པའི་ཁྲོ་བོ་ཁྲོས་པ་དང་། །མངག་གཞུག་རྣམས་ཀྱིས་དྲངས་བྱས་ནས། །རྟོག་པས་རྟོག་པ་བཟའ་བར་བྱ། །སྔར་ནི་རྡོ་རྗེས་འོག་ལས།།
260a5 གདུག་པ་འདིར་ནི་བཟའ་བར་བྱ། །མང་དུ་སྨྲས་པས་ཅི་ཞིག་དགོས། །མ་བཅོས་པ་ཡི་སེམས་ཅན་ལ། །སྙིང་རྗེའི་ཡིད་ཅན་རྡོ་རྗེ་སེམས། །ཏིལ་སོགས་རྫས་དང་སྔགས
260a6 སྦྱོར་གྱིས། །སྡིག་པ་ཞི་བྱེད་སྦྱིན་སྲེག་བྱ། །རིག་པའི་བློ་ཅན་ཀུན་བཟང་གིས། །ཞོ་ལ་བསྲེག་བྱ་རྒྱས་པའོ། །མི་རྟག་གྱུར་པའི་གདུལ་བྱ་ལ། །འདོད་ཆགས་ཡིད་ཅན་བ་དེ
260a7 ཆེན་གྱིས། །བདག་ཉིད་དགོས་པ་བརྟན་བྱའི་ཕྱིར། །ུཏྤལ་དམར་སོགས་ཀྱིས་སྒྲུབ་པའོ། །འདིར་ནི་མ་རུངས་སྡིག་བ་བྱེད། །གཙོར་ནི་སྦྱངས་ཕྱིར་ཁྲོ་སེམས་ཀྱིས། །
iiif viewer powered by OpenSeadragon
