| e-texts navigator |
| Wylie |
259a1 པ་དང་། །ལས་ནི་གང་གང་འདོད་པ་དེས། །སྙིང་གར་སྦྱོར་བ་རིམ་བཞིན་བསྒྲུབ། །ལུས་གཙང་སྙིང་རྗེར་ལྡན་པ་ཡིས། །རང་ལུས་ལྷ་དང་བླ་མ་ལ། །
259a2 ཕྱག་སོགས་བྱ་བ་སྔོན་འགྲོ་བས། །རིག་པའི་ཁྲོ་བོ་བསྒོམ་པར་བྱ། །དང་པོ་སྟོང་ཉིད་རྣམ་བསམས་ལ། །ལུས་ཅན་རྣམས་ཀྱི་དྲི་མ་བཀྲུ། །རང་གི་སྙིང་གར་དབྱངས་ཡིག་ནི། །
259a3 དང་པོ་ལས་བྱུང་ཟླ་བ་ལ། །ཧཱུཾ་ཡིག་སྔོན་པོ་རྣམ་པར་བསྒོམ། །རང་གི་འདུས་འདྲའི་འོད་འཕྲོས་ནས། །སེམས་ཅན་དྲི་མ་རྣམ་བསལ་ཏེ། །སྐུར་གྱུར་སྙིང་པོ་བསྡུ་བར་བྱ། །
259a4 ཧཱུཾ་ཡང་རྡོ་རྗེ་སྔོན་པོར་གྱུར། །སྔོན་བཞིན་སྤྲོ་དང་བསྡུ་བྱས་ལ། །སྐུ་མདོག་སྔོན་པོ་ཆེར་འབར་བ། །རབ་ཏུ་དྲེགས་པས་ཁྲོས་པའོ། །རི་བོང་འཛིན་པའི་སྟེང་དུ་ནི། །བདེ་བར
259a5 གཡོན་བརྐྱང་གར་གྱིས་བཞུགས། །བརྒྱད་གཉིས་ལོན་པའི་ཉམས་ཚུལ་ཅན། །དྲག་ཅིང་ཁྲོས་པའི་རོ་དང་ལྡན། །བྲང་འགྲོ་བརྒྱད་པོས་སྐུ་ལ་བརྒྱན། །ཞལ་གཅིག
259a6 པ་ལ་ཕྱག་གཉིས་པ། རང་གིས་རྡོ་རྗེ་བསྣམས་པ་ནི། །བསྣུན་པའི་ཚུལ་དུ་འཛིན་པ་དང་། །གཡོན་པ་བསྡིགས་པའི་མཛུབ་མོ་ཅན། །ན་བཟའ་སྔོན་པོ་ཤམ་ཐབས་འཛིན། །
259a7 སྤྱན་མིག་དམར་ཞིང་མཆེ་བ་གཙིགས། །དབུ་སྐྲ་ཉི་མའི་འོད་འདྲ་བ། །སྟེང་དུ་བཅིངས་དབུས་ཅོད་པན་ལྡན། །ཞལ་ནས་ཧ་ཧའི་གད་རྒྱངས་ལྡན། །ཁྲོ་བོའི་བདག་པོ
iiif viewer powered by OpenSeadragon
