| e-texts navigator |
| Wylie |
256b1 ཀྱི་བར་དུ་ཡོངས་སུ་རྫོགས་པར་བྱེད་དོ། །པདྨ་དཀར་པོ་བརྒྱད་སྟོང་ཕུལ་ན་དེ་ལ་འཇམ་དཔལ་འགྲུབ་པར་འགྱུར་ཏེ་རྒྱལ་སྲིད་དམ་པ་འམ། ས་འོག་ཏུ་འཇུག་པ་འམ། མི་སྣང
256b2 བར་བྱ་བ་འམ། ཐོས་པ་འཛིན་པ་འམ། སྨན་བཅུད་ཀྱིས་ལེན་ཡང་རུང་སྟེ། དམ་པ་ལྔ་ལས་གང་ཡང་རུང་བ་གཅིག་སྦྱིན་བར་བྱེད་དོ། །སྒྱུ་རུ་རའི་ཡམ་སྲེག་ཤིང་བརྒྱད་སྟོང
256b3 སྦྱིན་སྲེག་བྱས་ན་གནོད་སྦྱིན་མོ་ཇི་སྙེད་ཡོད་པ་དེ་དག་ཐམས་ཅད་དབང་དུ་འགྱུར་ཏེ་དེ་དག་ཅི་འདོད་པ་གྲུབ་པར་བྱེད་དོ། །བིལ་བའི་འབྲས་བུ་འབུམ་སྦྱིན་སྲེག་བྱས་ན། དཔལ
256b4 ཇི་སྙེད་ཡོད་པ་དེ་དག་ཐམས་ཅད་གྲུབ་པར་འགྱུར་ཏེ། ཅི་འདོད་པ་བཞིན་དུ་སྒྲུབ་བོ། །ན་ཛྱ་དི་མ་པྲ་ཡད་ཙནྟི། བ་རུ་རའི་འབྲུ་འབུམ་སྦྱིན་སྲེག་བྱས་ན། དབྱངས་ཅན་ཐམས
256b5 ཅད་གྲུབ་པར་འགྱུར་ཏེ། དེ་དག་གྲུབ་པས་ཚིག་ཐོགས་པ་མེད་པར་འགྱུར་རོ། །པྲི་ཡང་ཀུའི་མེ་ཏོག་ཁ་མ་བྱེ་བ་ཁྲི་སྦྱིན་སྲེག་བྱས་ན་ཉིན་གཅིག་བཞིན་དུ་ཀར་ཤཱ་པ་ཎ་ལྔ་ལྔ
256b6 རྙེད་པར་འགྱུར་རོ། །ཅི་སྟེ་ཐམས་ཅད་གཉིད་ཀྱིས་ལོག་པར་བྱེད་འདོད་ན་གྲོང་ཁྱེར་གྱི་བདག་པོའི་ལྷའི་གཟུགས་རི་མོར་བྲིས་པ་བྲིས་ལ་སྐེ་ཚེའི་སྦྱིན་སྲེག་བྱས་ཏེ། དེ་ནི
256b7 ཐལ་བ་ཐོགས་ལ་གྲོང་ཁྱེར་དུ་སོང་སྟེ། གཏོར་ན་དེ་དག་ཐམས་ཅད་གཉིད་ཀྱིས་ལོག་ཅིང་འདུག་པར་འགྱུར་ཏེ་ཅི་འདོད་པ་བྱེད་དོ། །གྲོང་ཁྱེར་ལ་ཇི་ལྟ་བ་བཞིན་དུ་ཡུལ་ལ
iiif viewer powered by OpenSeadragon
