| e-texts navigator |
| Wylie |
256a1 དབང་དུ་འགྱུར་ཏེ་ཅི་འདོད་པ་བྱེད་དོ། །རང་གི་ཁྲག་གིས་དཀྱིལ་འཁོར་བསྐུས་ཏེ། ཟླ་བ་གཅིག་བཟླས་བརྗོད་བྱས་ན་མཁའ་འགྲོ་མ་ཐམས་ཅད
256a2 དབང་དུ་འགྱུར་ཏེ་ཅི་འདོད་པ་བྱེད་དོ། །ཤུ་དག་དཀར་པོ་འབུམ་སྦྱིན་སྲེག་བྱས་ན་མ་མོ་ཐམས་ཅད་འགྲུབ་པར་འགྱུར་ཏེ། དེ་དག་ཅི་འདོད་པ་དེ་ཐམས་ཅད་བསྒྲུབ་བོ། །
256a3 ལི་ག་དུར་འབྲུ་སྟོང་སྦྱིན་སྲེག་བྱས་ན་ཉིན་གཅིག་བཞིན་སྣོད་གང་བ་རྙེད་པར་འགྱུར་རོ། །སྒེའུ་གཤེར་གྱི་རྩ་བ་སྦྱིན་སྲེག་བྱས་ན་ཉིན་གཅིག་བཞིན་ཀར་ཤཱ་པ་ཎ
256a4 བཞི་བཞི་རྙེད་པར་འགྱུར་རོ། ། པ་མརྒའི་སྙིང་པོ་ཁྲི་སྦྱིན་སྲེག་བྱས་ན་ལོངས་སྤྱོད་ཟད་མི་ཤེས་པ་འབྱུང་བར་འགྱུར་རོ། །ན་ལེ་ཤམ་གྱི་འབྲུ་བརྒྱད་སྟོང་སྦྱིན
256a5 སྲེག་བྱས་ལ་ཐལ་བ་བླངས་ཏེ་ཐིག་ལེ་བྱས་ལ་མོན་སྲན་སྡེའུ་ལ་སོགས་པའི་ཕུང་པོའི་ནང་དུ་གཏོར་ན་དེ་མི་ཟད་པར་འགྱུར་རོ། །ཅི་སྟེ་འཇམ་དཔལ་བསྒྲུབ་པར
256a6 འདོད་ན་ཨ་ག་རུ་དང་བསྲེས་པའི་གི་ཝང་གིས་དཀྱིལ་འཁོར་བསྐུས་ལ་དེར་གཟུགས་བཞག་སྟེ། ཟླ་བ་གཅིག་གི་བར་དུ་བཟླས་བརྗོད་བྱས་ན་བདག་ཉིད་འཇམ
256a7 དཔལ་མཐོང་བར་འགྱུར་ཏེ་དེས་ཆོས་སྟོན་ཏོ། །དེ་ཐོས་ནས་ཐོས་པ་འཛིན་པར་འགྱུར་རོ། །རིག་སྔགས་འཆང་ཉིད་ཀྱང་ཐོབ་པར་འགྱུར་རོ། །དེ་ཇི་སྲིད་འདོད
iiif viewer powered by OpenSeadragon
