| e-texts navigator |
| Wylie |
255b1 ཀྱི་མདུན་དུ་བཞི་འབུམ་བཟླས་བརྗོད་བྱས་ལ་ཐ་མར་ཟླ་བ་ཉ་ལ་ཨུཏྤ་ལའི་མེ་ཏོག་ཅི་འབྱོར་པས་མཆོད་པ་བྱས་ཏེ། མཚན་རངས་བཟླས་བརྗོད་བྱས་ན་ནང་པར་རམ། ཉི་མ
255b2 ཤར་ན་ལག་ན་རྡོ་རྗེ་འོང་སྟེ། འོངས་ནས་སྔགས་པའི་མགོ་ལ་རེག་པ་བྱེད་དེ། རེག་པ་ཙམ་གྱིས་མངོན་པར་ཤེས་པ་ལྡ་དང་ལྡན་པར་འགྱུར་རོ། །རིག་སྔགས་འཆང་ཉིད
255b3 དམ|་གཞན་ཅི་ཡང་རུང་བ་ཞིག་ཀྱང་རྙེད་པར་འགྱུར་རོ། །དེས་ཅི་འདོད་པ་དེ་ཐམས་ཅད་རྙེད་པར་འགྱུར་རོ། །ལག་ན་རྡོ་རྗེའི་གཟུགས་ཀྱི་མདུན་དུ་ཤིང་ཀིང་ཤུ་ཀའི་མེ
255b4 ཏོག་འབུམ་ཕུལ་ན་ཏི་ན་ར་སྟོང་རྙེད་པར་འགྱུར་རོ། །ལག་ན་རྡོ་རྗེའི་གཟུགས་ཀྱི་ལག་པ་ནས་བཟུང་སྟེ། ཟླ་བ་གཅིག་བཟླས་བརྗོད་བྱས་ན་ཉིན་གཅིག་བཞིན་ཏི་ན་ར་རེ་རེ་སྦྱིན
255b5 པར་བྱེད་དོ། །ལག་ན་རྡོ་རྗེའི་གཟུགས་པདྨའི་འདབ་མའི་སྟེང་དུ་བཞག་སྟེ། སྣ་མའི་མེ་ཏོག་ཁ་མ་བྱེ་བ་ཁྲི་ཕུལ་ན་ཉིན་གཅིག་བཞིན་ཀར་ཤཱ་པ་ཎ་རེ་རེ་སྦྱིན་པར་བྱེད་དོ། །ཟླ
255b6 པ་གཅིག་ཏུ་ནམ་ཕྱེད་ན་ལངས་ཏེ་ཉིན་གཅིག་བཞིན་གི་ཝང་གིས་དཀྱིལ་འཁོར་བྱས་ལ་བཅོམ་ལྡན་འདས་མ་བཟླས་བརྗོད་བྱས་ན་ལས་ཐམས་ཅད་ནུས་པར་འགྱུར་རོ། །
255b7 བགེགས་རྣམས་ཀྱིས་མི་འཚེ་བར་འགྱུར་རོ། །ཟླ་བ་གཅིག་ཏུ་ཙནྡན་དམར་བོས་དཀྱིལ་འཁོར་བསྐུས་ལ་བཅོམ་ལྡན་འདས་མ་བཟླས་བརྗོད་བྱས་ན་ཤ་ཟ་ཐམས་ཅད
iiif viewer powered by OpenSeadragon
