| e-texts navigator |
| Wylie |
254b1 གྱི་བར་དུ་བཟླས་བརྗོད་བྱས་ན་དེ་ནས་དངོས་གྲུབ་ཏུ་འགྱུར་རོ། །ཅི་སྟེ་རྫས་སྒྲུབ་པར་འདོད་ན་ཀ་ར་བི་རའི་མེ་ཏོག་འབུམ་ཕུལ་ན་ཉིན་གཅིག་བཞིན་ཏི་ན་ར་ལྔ་ལྔ་རྙེད་པར་འགྱུར་རོ།།
254b2 མིད་པ་ནུབ་པ་ཙམ་གྱི་ཆུར་ཞུགས་ལ་འབུམ་བཟླས་བརྗོད་བྱས་ན་གཏེར་རྙེད་པར་འགྱུར་རོ། །སྣ་མའི་མེ་ཏོག་ཁ་མ་བྱེ་བ་འབུམ་སྦྱིན་སྲེག་བྱས་ན་བུད་མེད་གང་འདོད་པ་དེ
254b3 རྙེད་པར་འགྱུར་རོ། ། ཏི་མུ་ཀ་ཏ་ཀའི་མེ་ཏོག་ཁྲི་ཕུལ་ན་ལུས་ལ་ནད་ཅི་ཡོད་པ་ཐམས་ཅད་བྱ་བས་བྱེད་པར་འགྱུར་ཞིང་ཕྱིས་མི་ལྡང་ངོ་། །ཚེ་རིང་བར་ཡང་འགྱུར་རོ། །
254b4 ལུས་ལ་སྐལ་བ་བཟང་པོ་འབྱུང་བར་འགྱུར་རོ། །ལོ་བརྒྱར་འཚོ་བར་འགྱུར་རོ། །ཅི་སྟེ་ཕ་རོལ་གྱི་དམག་གཞིག་པར་འདོད་ན་མཛུབ་མོ་ལ་ལན་བདུན་སྔགས་ཏེ་བསྡིགས་ན
254b5 དམག་འབྲོས་པར་འགྱུར་རོ། །འཐབ་པར་འདོད་ན་འུག་པའི་སྒྲོ་འབུམ་སྦྱིན་སྲེག་བྱས་ན་ཆེར་འཐབ་པར་འགྱུར་རོ། །དགྲ་ཕུང་བར་བྱེད་པར་འདོད་པས་སྐྱེ་ཚེ་འབུམ་སྦྱིན
254b6 སྲེག་བྱས་ན་དགྲ་སྲོག་དང་བྲལ་བར་འགྱུར་རོ། །རྒྱ་ཤུག་གི་འབྲས་བུ་ཚྭ་བ་གསུམ་གྱི་མར་དུ་སྙུགས་པ་ཁྲི་སྦྱིན་སྲེག་བྱས་ན་བགེགས་ཐམས་ཅད་ཀྱང་མི་གཙོ་བར་འགྱུར
254b7 རོ|་|བ་རུ་རའི་འབྲས་བུ་ཡུངས་ཀར་གྱི་མར་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན་ཉི་མ་ལྔས་དགྲ་ཕུང་བར་འགྱུར་རོ། །དབང་དུ་བྱ་ན་འབྲས་སཱ་ལུའི་ཕྱེ་མ་ལས
iiif viewer powered by OpenSeadragon
