| e-texts navigator |
| Wylie |
253a1 རོ|་|བ་རུ་རའི་ཤིང་གི་མེ་བུས་ལ་ཨ་ག་རུའི་ཡམ་སྲེག་ཤིང་ཁྲིའི་སྦྱིན་སྲེག་བྱས་ན་གནོད་སྦྱིན་ཐམས་ཅད་དབང་དུ་འགྱུར་རོ། །ལྷ་ཆེན་པོའི་གནས་སུ
253a2 སོང་སྟེ་བའི་ལྕི་བས་ལ་མ་ལྷུང་བས་དཀྱིལ་འཁོར་བྱས་ལ་ཨརྒའི་མེ་ཏོག་སྟོང་རྩ་བརྒྱད་ཕུལ་ན་ལྷ་ཆེན་པོ་མཐོང་བར་འགྱུར་ཏེ། དངོས་གྲུབ་གང་འདོད་པ་སྦྱིན་པར་བྱེད་དོ། །ལྷ
253a3 ཆེན་པོའི་གནས་སུ་རི་མོའི་སྐུ་གཟུགས་བྲིས་ཏེ་འབུམ་ཕྲག་གཅིག་བཟླས་བརྗོད་བྱས་ན་དཀའ་ཐུབ་བཟློག་གི་ཁྱོ་མཐོང་བར་འགྱུར་ཏེ། དངོས་གྲུབ་ཅི་འདོད་པ་སྦྱིན་པར་བྱེད་དོ། །དུར
253a4 ཁྲོད་ཆེན་པོར་རི་མོའི་སྐུ་གཟུགས་བྲིས་ཏེ། ལན་བརྒྱ་རྩ་བརྒྱད་བཟླས་བརྗོད་བྱས་ན་རོ་ལངས་ཆེན་པོ་མཐོང་པར་འགྱུར་ཏེ། མཆེ་བ་མི་སྡུག་པར་གཙིགས་མེའི་ཕུང་པོ
253a5 ཆེན་པོ་ལྟར་བྱུང་ན་ཡང་དེ་ལ་འཇིགས་པར་མི་བྱ་བར་ཕྱག་རྒྱ་བཅིངས་ལ་བསྣུན་ན། དེས་འགྱེལ་བར་འགྱུར་ཏེ། དེ་ལ་དམ་པ་བསླངས་ན་རྒྱལ་སྲིད་དམ། གཏེར་རམ།
253a6 མི་སྣང་བ་འམ། ཡུལ་ལམ། རྐང་མགྱོགས་ཀྱང་རུང་སྟེ། དམ་པ་ལྔ་པོ་དག་ལས་གང་ཡང་རུང་བ་ཅིག་སྦྱིན་པར་བྱེད་དོ། །ལན་ཚྭའི་སྦྱིན་སྲེག་གིས་ནི་ལྷའི་བུད
253a7 མེད་འགུགས་པར་བྱེད་དོ། །སྣ་མའི་མེ་ཏོག་ཁ་མ་བྱེ་བ་བརྒྱད་སྟོང་སྦྱིན་སྲེག་བྱས་ན་ཉིན་གཅིག་བཞིན་ཏི་ན་ར་རེ་རེ་རྙེད་པར་འགྱུར་རོ། །ཅི་སྟེ་དགྲ་སྲོག་དང་བྲལ་བར
iiif viewer powered by OpenSeadragon
