| e-texts navigator |
| Wylie |
252b1 དུ་བྱེ་བ་ཕྲག་ཅིག་བཟླས་བརྗོད་བྱས་ན། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་མཐོང་བར་འགྱུར་ཏེ། ཆོས་སྟོན་པ་ཡང་བྱེད་དོ། །དེ་ཐོས་པས་ཕྱིར་མི་ལྡོག་པར་ཡང
252b2 འགྱུར་རོ། །ཙནྡན་དམར་པོ་ལས་རྡོ་རྗེ་བྱས་ལ་དེ་གློར་བཞག་སྟེ་འབར་བའི་བར་དུ་བཟླས་བརྗོད་བྱས་ན་དེ་ལ་རེག་པ་ཙམ་གྱིས་གླིང་བཞིའི་རྒྱལ་པོར་འགྱུར་རོ། །ཤིང་པ་ཏའི་འབྲས
252b3 སུ་སྦྱིན་སྲེག་བྱས་ན་གང་གིས་མིང་ནས་བརྗོད་པ་དེ་དབང་དུ་འགྱུར་རོ། །རྒྱ་ཤུག་གི་འབྲས་བུ་རྣམས་ཀྱང་དེ་བཞིན་ཏེ། གང་གི་མིང་ནས་བརྗོད་ཅིང་སྦྱིན་སྲེག་བྱས་པ་དེ་དབང་དུ
252b4 འགྱུར་རོ། །ཡང་ན་ནིམ་པའི་འབྲས་བུ་སྤྱིན་སྲེག་བྱས་ན་གང་གི་མིང་ནས་བརྗོད་པ་དེ་དབང་དུ་འགྱུར་རོ། །བ་རུ་རའི་མེ་ཏོག་གི་སྦྱིན་སྲེག་བྱས་ན་ཡུལ་ཆེན་པོ་རྙེད་པར་འགྱུར་རོ། །མ
252b5 ལི་ཀའི་མེ་ཏོག་གི་སྦྱིན་སྲེག་བྱས་ན་ཟས་ཟད་མི་ཤེས་པར་འགྱུར་རོ། །ཀ་ར་བཱི་རའི་མེ་ཏོག་འབྲས་བུ་འབུམ་ཕྲག་གཅིག་སྦྱིན་སྲེག་བྱས་ན་ཏི་ན་ར་འབུམ་རྙེད་པར་འགྱུར་རོ། །སྣ
252b6 མའི་མེ་ཏོག་ཁྲི་སྦྱིན་སྲེག་བྱས་ན་མདུན་ན་འདོན་མཆོག་ཏུ་འགྱུར་རོ། །བྲ་མའི་ཁུ་བ་དང་། སྦྲང་རྩི་ལྷན་ཅིག་ཟངས་ཀྱི་སྣོད་དུ་བཞག་སྟེ། ཏི་ན་ར་རྙེད་ཀྱི་བར་དུ་བཟླས་བརྗོད་བྱའོ།།
252b7 གུ་གུལ་གྱི་སྦྱིན་སྲེག་གིས་ནི་རྒྱལ་ཕྲན་ཐོབ་པར་འགྱུར་རོ། །ཤིང་བིལ་བའི་མེའི་མེ་བུས་ལ་མ་ལི་ཀའི་མེ་ཏོག་འབུམ་ཕྲག་གཅིག་སྦྱིན་སྲེག་བྱས་ན་ཀླུ་ཐམས་ཅད་དབང་དུ་འགྱུར
iiif viewer powered by OpenSeadragon
