| e-texts navigator |
| Wylie |
251a1 གྱུར་ནས་དེས་མིག་བསྐུས་ན་ཕྱོགས་གང་དུ་བལྟས་པ་དེ་ཐམས་ཅད་དབང་དུ་འགྱུར་རོ། །ཅི་སྟེ་དེས་མིག་བསྐུས་ན་རྒྱལ་པོ་དང་། བློན་པོ་དང་། རྒྱལ
251a2 པོའི་བཙུན་མོ་དམ་པ་དང་། རྒྱལ་པོའི་བུ་མོ་དང་། གཞན་ཡང་། གང་སུ་ལ་བལྟས་པ་དེ་ཐམས་ཅད་དེའི་དབང་དུ་འགྱུར་རོ། །དེ་ནས་མིག་སྨན་གྱི་མཆོག་བསྒྲུབ་པར་འདོད་ན
251a3 མར་གྱི་ངོ་ཞག་བརྒྱད་ལ་མི་རོ་རྨ་མེད་པ་བླངས་ཏེ་ཙནྡན་དམར་པོ་དང་ལྡན་པའི་ལྷ་བ་ཤོས་ཕུལ་ལ། དེ་ནས་མི་རོའི་ལག་ཏུ་མིག་སྨན་བཞག་སྟེ་བཟླས་བརྗོད་བྱའོ། །བཟླས
251a4 བརྗོད་བྱས་པ་དང་། མི་རོའི་ལག་ན་མིག་སྨན་འདུག་པ་འགུལ་བར་འགྱུར་རོ། །དེ་ནས་འགྲུབ་པར་འགྱུར་ཏེ། དེས་མིག་ལ་བསྐོས་ན་གནག་ལ་བལྟས་པ་དེ་དབང་དུ་འགྱུར
251a5 རོ|་|སྣ་མའི་མེ་ཏོག་བརྒྱད་སྟོང་གི་སྦྱིན་སྲེག་བྱས་ན་ལས་ཐམས་ཅད་བདེ་བླག་ཏུ་འགྲུབ་པར་འགྱུར་རོ། །རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ཏེ། མར་གྱི་ངོ
251a6 ཞག་བརྒྱད་ལ་བརྩམས་ནས་བསོད་སྙོམས་ཀྱི་ཟས་ཟ་ཞིང་ལན་འབུམ་བཟླས་བརྗོད་བྱས་ན། ཡར་གྱི་ངོ་ཚེས་བརྒྱད་ལ་ཡང་ཡུལ་སྦྱིན་པར་འགྱུར་རོ། །ཡར་གྱི་ངོ་ཚེས
251a7 བརྒྱད་ལ་བསོད་སྙོམས་ཀྱི་ཟས་ཟ་ཞིང་རི་མོའི་སྐུ་གཟུགས་ཀྱི་མདུན་དུ་ལན་སྟོང་རྩ་བརྒྱད་བཟླས་བརྗོད་བྱས་ན་ཕ་རོལ་གྱི་དམག་ཚོགས་རབ་ཏུ་ཞི་བར་འགྱུར་རོ། །དེ་ནས
iiif viewer powered by OpenSeadragon
