| e-texts navigator |
| Wylie |
250b1 སྐད་འབྱིན་པར་འགྱུར་ཏེ། སྐད་ཕྱུང་མ་ཐག་ཏུ་སྔགས་པས་བསླང་བར་བྱའོ། །དེ་བླངས་པ་ཙམ་གྱིས་སྔགས་པ་སྨིན་དྲུག་གི་བུ་དང་འདྲ་བར་འགྱུར་རོ། །ཆོ་ག་དེ་བཞིན་དུ་ས
250b2 སྲུང་གི་བུ་བསྒྲུབ་ན་བརྒྱ་བྱིན་དང་འདྲ་བར་འགྱུར་རོ། །ལུས་མི་སྣང་བར་བསྒྲུབ་པར་འདོད་ན་མིའི་ཐོད་བ་བླངས་ལ་ཤིང་མངར་དང་ལྷན་ཅིག་ཏུ་ཞིབ་མོར་བཏགས་ཏེ། ཐ་མར
250b3 ཡ་ཨར་གྱི་ངོ་ཚེས་བརྒྱད་ལ་ཨརྒའི་ཤིང་གི་མེ་བུས་ལ་རི་མོའི་སྐུ་གཟུགས་ལ་མཆོད་པ་རྒྱས་པར་བྱས་ནས་མཚན་རངས་སྦྱིན་སྲེག་བྱས་ཏེ་ནང་པར་དེའི་ཐལ་བས་སེན་མོའི
250b4 སེན་རིས་བྱས་ན་ལུས་མི་སྣང་བར་འགྱུར་ཏེ། ལུས་མི་སྣང་བ་ཐམས་ཅད་ཀྱི་རྒྱལ་པོར་འགྱུར་རོ། །སྦྱོར་བ་གཞན་ཡང་འབྱུང་སྟེ། ལི་ཁྲི་མར་དང་ལྷན་ཅིག་ཏུ་བསྲེགས
250b5 ལ|་དེ་ནས་ཟངས་ཀྱི་སྣོད་དུ་བཞག་སྟེ་རི་མོའི་སྐུ་གཟུགས་ལ་མཆོད་པ་རྒྱས་པར་བྱས་ན་ཤེལ་བཞིན་འབར་བར་འགྱུར་གྱི་བར་དུ་མཚན་རངས་བརྗོད་པར་བྱའོ། །དེ་ནས
250b6 འགྲུབ་པར་འགྱུར་ཏེ་དེས་ཐིག་ལེ་བྱས་ན་ལུས་མི་སྣང་བར་འགྱུར་ཏེ་ལོ་ལྔ་སྟོང་ཐུབ་པར་འགྱུར་རོ། །ཅི་སྟེ་མིག་སྨན་བསྒྲུབ་པར་འདོད་ན་སྣ་མའི་མེ་ཏོག་དང་། ལིག་བུ
250b7 མིག་བླངས་ཏེ་ཞིབ་མོར་བྱས་ལ་དེ་ནས་སྔ་མ་བཞིན་དུ་ཟངས་ཀྱི་སྣོད་དུ་བཞག་སྟེ་མཆོད་པ་བྱས་ནས་ཟླ་བ་གཅིག་གི་བར་དུ་བཟླས་བརྗོད་བྱའོ། །དེ་ནས་དེ་སྔ་མ་བཞིན་དུ
iiif viewer powered by OpenSeadragon
