| e-texts navigator |
| Wylie |
250a1 བརྗོད་བྱའོ། །དེ་ནས་ནམ་ཕྱེད་ན་བཅོམ་ལྡན་འདས་མ་ཉིད་འོང་བར་འགྱུར་ཏེ། དེ་ལ་མེ་ཏོག་དཀར་པོ་དག་གིས་མཆོད་ཡོན་དབུལ་ལོ། །དེ་ནས་བཅོམ
250a2 ལྡན་འདས་མས་སྒྲུབ་པ་པོའི་སྤྱི་བོར་བྱུགས་ནས། བུ་ལེགས་སོ། ཁྱོད་ལ་མཆོག་ཅི་ཞིག་སྦྱིན་པར་བྱ་ཞེས་དེ་ཉིད་ཟེར་བ་དང་། ཅི་འདོད་པ་དེ་བ་སླང་བར་བྱ་སྟེ། འདོད
250a3 ན་ཞོ་འམ། རིགས་སྔགས་འཆང་ཉིད་དམ། ལུས་མི་སྣང་བའམ། སའི་འོག་ཏུ་འགྲོ་བ་འམ། གཞན་ཡང་། ཡིད་ལ་གང་འདོད་པ་ཅི་ཡང་རུང་བ་དེ་ཐམས་ཅད་བསླང
250a4 པར་བྱའོ། །ཅི་སྟེ་ངང་པ་བསྒྲུབ་པར་འདོད་ན་ལི་ཁྲི་ལས་ངང་པའི་གཟུགས་བྱས་ཏེ། རི་མོའི་སྐུ་གཟུགས་ཀྱི་མདུན་དུ་གཞག་ལ་ཀུནདའི་མེ་ཏོག་གིས་མཆོད་པ་རྒྱས་པར
250a5 བྱས་ནས། མཚན་རངས་བཅོམ་ལྡན་འདས་མ་བཟླས་བརྗོད་བྱས་ན་ནང་བར་རམ། ཉི་མ་འཆར་ཀར་འགྲུབ་པར་འགྱུར་ཏེ་དེ་ལ་ཞོན་ནས་ནམ་མཁའ་ལ་འཕགས་པ
250a6 དང་|་ཚངས་པ་གཉིས་པར་འགྱུར་རོ། །ཅི་སྟེ་རྨ་བྱ་བསྒྲུབ་པར་འདོད་ན་འཇིམ་པ་ལ་རྨ་བྱའི་གཟུགས་བྱས་ཏེ། རི་མོའི་སྐུ་གཟུགས་ཀྱི་མདུན་དུ་བཞག་ལ། ཟླ་བ་དྲུག
250a7 ཏུ་བཅོམ་ལྡན་འདས་མ་བཟླས་བརྗོད་བྱས་པའི་མཇུག་ཏུ་ཟླ་བ་ཉ་ལ་ཅི་འབྱོར་བས་མཆོད་པ་བྱས་ཏེ། མཚན་རངས་བཟླས་བརྗོད་བྱས་ན་ཉི་མ་འཆར་ཀར་རྨ་བྱའི
iiif viewer powered by OpenSeadragon
