| e-texts navigator |
| Wylie |
249b1 བརྗོད་བྱས་པའི་སྐུད་པས་བསྲུང་བ་བྱས་པར་འགྱུར་རོ། །བགེགས་ཐམས་ཅད་ལ་ནི་ཆུས་སྲུང་བ་བྱེད་དོ། །སྒྲུབ་པོ་རྣམས་སམ། རོ་ལངས་གྲུབ་པ་རྣམས་ལ་གཟུངས་སྔགས་འདི
249b2 དག་ལས་གང་ཡང་རུང་བ་གཅིག་གིས་བདག་བསྲུང་བ་དང་། གཞན་བསྲུང་བ་དང་། ཕྱོགས་བཅིང་བ་དང་། དཀྱིལ་འཁོར་གྱི་མཚམས་གཅད་པར་བྱའོ། །དེ་ནས་ལུས་མི་སྣང
249b3 བར་བྱེད་འདོད་ན་སྐར་མ་རྒྱལ་ལ་ལྡོང་རོས་ཁ་ཐབས་བཞིན་དུ་ཉོས་ཏེ། རང་གི་ཁྲག་གིས་བསྒོས་ལ་དེ་ནས་ཕྱུང་སྟེ། རི་མོའི་སྐུ་གཟུགས་ཀྱི་མདུན་དུ་གཞག་གོ་།དེ་ནས
249b4 ཟས་སུ་འོ་མ་དང་། ཕྱེའི་འདི་གུ་ཟ་ཞིང་ཞག་བདུན་གྱི་བར་དུ་དུས་གསུམ་དུ་ལན་བརྒྱ་རྩ་བརྒྱད་བཟླས་བརྗོད་བྱའོ། །དེ་ནས་མར་གྱི་ངོ་ཞག་བརྒྱད་ལ་ཁ་ཟས་མི་ཟ་བར་ལག
249b5 པ་གཡོན་པར་བཞག་སྟེ། བཅོམ་ལྡན་འདས་མ་བཟླས་བརྗོད་བྱས་ན་འགྲུབ་པར་འགྱུར་ཏེ། ཐིག་ལེ་བྱས་པས་ལུས་མི་སྣང་བར་འགྱུར་ཞིང་འདོད་དགུར་སྒྱུར་བའི་གཟུགས
249b6 ཅན་ལོ་ལྔ་སྟོང་ཐུབ་པར་འགྱུར་རོ། །བཅོམ་ལྡན་འདས་མ་མཐོང་བར་འདོད་ན་ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་རིའི་རྩེ་མོར་སོང་སྟེ། བཅོམ་ལྡན་འདས་མ་བཟླས
249b7 བརྗོད་བྱའོ། །དེ་ནས་ཞག་གསུམ་སྨྱུང་བ་བྱས་ཏེ། ཟླ་བ་ཉ་ལ་བྱང་ཆུབ་ཀྱི་ཤིང་དྲུང་དུ་ཅི་འབྱོར་པས་ལྷ་བཤོས་དབུལ་ཞིང་མཆོད་པ་བྱས་ཏེ་བཅོམ་ལྡན་འདས་མ་ལ་བཟླས
iiif viewer powered by OpenSeadragon
