| e-texts navigator |
| Wylie |
385a1 @#། །དགེ་བར་མཆོད། །ས་གཞི་ཡི་ནི་ཕྱོགས་ཀུན་ཏུ། །གཏོར་མ་རབ་ཏུ་གཏང་བར་བྱ། །མེ་ཏོག་སིལ་མ་གཅལ་དུ་དཀྲམ། །དྲི་དང་བདུག་པ་ཆོ་གའི་རིམ། །སྦྱིན་སྲེག
385a2 ཆོ་ག་བཞིན་དུ་བྱ། །རྣལ་འབྱོར་དགེ་བར་འདོད་པ་ཡིས། །དེ་ལྟར་རབ་ཏུ་འབད་པ་ཡིས། །གནས་སུ་ཉི་མ་གཅིག་ཏུ་བྱ། །ལེགས་པར་སྦྱངས་པར་གྱུར་པ་ལ། །ལྷ་ནི་སྤྱན་ཡང་དྲང
385a3 བར་བྱ|་|ཁྱད་པར་དུ་ནི་གཏོར་མ་དང་། །དྲི་དང་མེ་ཏོག་ཡང་དག་དབུལ། །ཤེས་རབ་བློ་ལྡན་མཚན་མ་བསླང་། །དགེ་དང་མི་དགེའི་འབྲས་བུ་འབྱུང་། །གལ་ཏེ་རྨི་ལམ་བཟང་མཐོང
385a4 ན|་|ཡིད་ནི་སྤྲོ་བར་གྱུར་པ་ཡིས། །བདག་དང་གཞན་ཚེ་བསྒྲུབ་བྱའི་ཕྱིར། །དཀྱིལ་འཁོར་རྒྱལ་པོ་བྲི་བར་བྱ། །ངན་ན་ཤེས་རབ་ཅན་གྱིས་སྤང་། །འཇིགས་དང་རྩུབ་པའི་མི་དགེ་སྟེ།།
385a5 བདག་དང་གཞན་ལ་དངོས་གྲུབ་མེད། །དེ་ལ་འབྲས་མེད་འབྲས་བུ་འབྱུང་། །དཀྱིལ་འཁོར་དངོས་གྲུབ་འདོད་པ་ཡིས། །ཤེས་རབ་ཅན་གྱིས་དེ་དབུས་བྲི། །དེ་ནི་ཁྲུ་བརྒྱད་དེ་བཞིན་དུ། །
385a6 བཅུ་དྲུག་དག་གི་གྲངས་ཀྱང་ཡོད། །རྒྱལ་བ་མཆོག་གིས་རྟག་ཏུ་ནི། །གཙོ་བོ་ལྔ་ནི་རབ་ཏུ་གསུངས། །དེ་རུ་ཆ་གཉིས་སུ་བགོས་ནས། །ཁྲུ་ཚད་གང་ནི་ཕྱི་རོལ་ཡིན། །ཆ་གཅིག་ཡང
385a7 དག་བཤད་པ་ནི། །དབུས་ཆ་ཡིན་པར་རབ་ཏུ་བརྟག་།ཁྲུ་ཚད་གང་དུ་གནས་པ་དེར། །དབུས་སུ་སངས་རྒྱས་བསྟན་པ་ཡི། །གཉིས་པ་རྒྱལ་བའི་སྲས་པོ་སྟེ། །མདོ་རུ་བསྡུས་ནས
iiif viewer powered by OpenSeadragon
