| e-texts navigator |
| Wylie |
384b1 དབུ་ལ་ས་གཞི་ཡང་དག་བཤད། །མཉམ་པར་བཞག་པའི་ཡིན་ཀྱིས་ཉོན། །དཀྱིལ་འཁོར་མཛེས་མཆོག་རྨད་དུ་བྱུང་། །འདི་ནི་གང་དུ་བྲི་བ་ནི། །ཆུ་ཀླུང་མཚོ་བྲན་ཡང་དག་བཤད། །རི་བོ་མེ་ཏོག
384b2 འབྲས་བུས་བརྒྱན། །སྐྱེད་མོས་ཚལ་དུའང་བཤད་པ་སྟེ། །སྤུ་སྡུག་རྨ་བྱས་རྣམ་པར་བརྒྱན། །ཀུན་དགའ་ར་བ་ཁང་བཟང་དགའ། །ཕྱུགས་ལྷས་བྲེས་དང་བཞི་མདོ་དང་། །གཞན་ཡང་ཕྱི་རོལ
384b3 གང་ཞིག་ཏུ། །གཙུག་ལག་ཁང་དང་རི་སུལ་དང་། །ཁང་པ་བརྩེགས་དང་ཁང་པ་དང་། །མཚན་མ་གཅིག་པ་ཇི་བཞིན་དུ། །ཆུ་ཀླུང་ཀུན་དགའ་ར་བ་དང་། །དེ་ཡི་ཁོང་གསེབ་ཁྱད་པར་དུའོ། །
384b4 གཞན་ཡང་རྣམ་པ་སྣ་ཚོགས་པའོ། །གང་དུ་ཡིད་ལ་འདོད་པར་བྱ། །དེ་ལ་སོགས་པའི་གནས་རྣམས་ལས། །གང་ཡང་རུང་བའི་གནས་བཟུང་སྟེ། །ལྷ་ནི་སྤྱན་ཡང་དྲངས་བྱས་ནས། །ཡང་དང
384b5 ཡང་དུ་མཆོད་པར་བྱ། །ཡིད་ཉིད་ཀྱིས་ནི་གཤེགས་སུ་གསོལ། །ཕྱོགས་ནི་རབ་ཏུ་བཅིངས་པར་བྱ། །རང་ཉིད་གོ་ཆ་བགོས་ནས་གནས། །ལུས་ལ་གཙུག་ཏོར་ཡང་དག་བརྒྱན། །ལག་ཏུ
384b6 རྡོ་རྗེ་ཐོགས་ནས་ནི། །ལྷ་ནི་ཡིད་ཀྱིས་བྱོན་པར་བསམ། །དེ་ལྟར་བདག་ཉིད་གནས་ནས་སུ། །སྐྱེ་བོ་སྲུང་བ་དགོད་པར་བྱ། །དེ་རུ་བདག་ཉིད་བྱིན་བརླབས་ཏེ། །ས་གཞི་གཞན་ལ་ཤིན་ཏུ་བསྡད།།
384b7 པུས་མོ་གང་ཙམ་བརྐོས་ནས་ནི། །འབུ་སྲིན་རྣམ་པར་བསལ་བར་བྱ། །སྐྱོན་ནི་དུ་མ་དང་བྲལ་བ། །འབད་པས་སླར་ཡང་བརྡུང་བར་བྱ། །བ་ཡིས་རྣམ་ལྔས་བྱུགས་ནས་ནི། །མེ་ཏོག་བདུག་པས
iiif viewer powered by OpenSeadragon
