| e-texts navigator |
| Wylie |
384a1 @#། །གཞན་དུ་ན་ནི་འབྲས་མེད་འགྱུར། །སློབ་དཔོན་དང་ནི་སློབ་མ་ཡིས། །རྟག་ཏུ་བག་ཡོད་གྱུར་པས་ཀྱང་། །རྟག་པར་རྒྱུན་དུ་བསྲུང་བར་བྱ། །བདག་ཉིད་སྲོག
384a2 ནི་ཇི་བཞིན་ནོ། །བསྐལ་པ་བྱེ་བ་བརྒྱར་ཡང་ནི། །སངས་རྒྱས་འབྱུང་བ་ཤིན་ཏུ་དཀོན། །དེ་ཡང་ས་སྟེང་གཙོ་བོ་ཡིས། །བཤད་པ་ཡིས་ནི་ཤིན་ཏུ་དཀོན། །དེ་ཕྱིར་རྣམ་པ་ཐམས
384a3 ཅད་ཀྱི|་|ཡོན་ཏན་ཀུན་གྱིས་ཡང་དག་བརྒྱན། །སློབ་དཔོན་གྱིས་ནི་རྟག་པ་རུ། །གསང་སྔགས་ཡི་གེ་བཅོ་ལྔ་བཟླས། །འབུམ་ཕྲག་གཅིག་ནི་བཟླས་གྱུར་ནས། །སྦྱིན་སྲེག
384a4 ཡང་ནི་བརྩམ་པར་བྱ། །དེ་ལྟར་བྱས་པའི་སྔགས་ཤེས་པས། །དཀྱིལ་འཁོར་མཆོག་ནི་བྲི་བར་བྱ། །གདུག་པ་མེད་ཅིང་བགེགས་ཀྱང་མེད། །གཞན་ཡང་འབྱུང་ཚོགས་ལ་སོགས
384a5 མེད|་|མཐུ་སྟོབས་ཀྱིས་ནི་བགེགས་བྱེད་པ། །གོ་འཕང་འབྲས་བུ་ཡོད་མ་ཡིན། །ཐམས་ཅད་དབང་ཕྱུག་གོ་འཕང་འཐོབ། །ཀུན་ཀྱང་བདེ་བས་ཡང་དག་བརྒྱན། །འཇིགས་པ་ཐམས
384a6 ཅད་རྣམ་པར་བྲལ། །ཐེ་ཚོམ་མེད་པར་འགྱུར་བ་ཡིན། །གཞན་དུ་ཐམས་ཅད་འབྲས་བུ་མེད། །བགེགས་ཀྱི་གླགས་ནི་བཙལ་ནས་སུ། །སྔགས་པའི་ལུས་ནི་འཕྲོག་པར་བྱེད། །ཆོ
384a7 གའི་འབྲས་བུ་བྱ་བ་མེད། །དེ་ལྟར་བྱས་ན་སྔགས་པ་བདག་།དཀྱིལ་འཁོར་མཆོག་ནི་བྲི་བར་བྱ། །སངས་རྒྱས་གཅིག་ཤོས་གོ་འཕང་ནི། །དེ་ནི་ཐམས་ཅད་འགྲུབ་པར་འགྱུར། །
iiif viewer powered by OpenSeadragon
