| e-texts navigator |
| Wylie |
383a1 @#། །སྒོམ་བྱེད་པ། །སྔགས་པས་དེ་བཞིན་འདིར་གསུངས་པ། །བྱང་ཆུབ་སེམས་ཀྱི་སྒོམ་པའོ། །བྱང་ཆུབ་སེམས་དཔའ་བློ་ལྡན་གྱིས། །འདི་ནི་ཡིད་ཀྱིས་སྒོམ་བྱེད
383a2 པ|་|བསམ་པའི་ཡེ་ཤེས་ཐོབ་པར་བྱེད། །ཐེག་པ་ཆེན་པོ་ལས་བྱུང་བ། །བསྡུ་བའི་དངོས་པོ་རྣམ་བཞི་དང་། །ཕ་རོལ་ཕྱིན་ཉིད་དྲུག་ཏུ་འདོད། །བསམ་མི་ཁྱབ་པའི་འབྲས་སྩོལ་བ།།
383a3 ཤེས་རབ་ཅན་དེ་སྒོམ་པར་བྱེད། །ལྗང་གུ་དཀར་དང་སེར་བ་དང་། །མདོར་ན་ནག་པོར་གྱུར་ཀྱང་རུང་། །རིང་དང་ཐུང་ཡང་མདངས་བཟང་བ། །ཕྱག་གིས་པུས་མོར་སླེབ་པ་ཉིད། །རྟག
383a4 པར་རྒྱུན་དུ་ཞལ་རིང་ཞིང་། །མགོ་བོ་མཉམ་པར་རྣམ་པར་རྒྱས། །སྨིན་མཚམས་མ་ཆད་ཤངས་མཐོ་བ། །རྐང་པའི་ལོང་བུ་ཅུང་ཟད་དམར། །ཡོན་ཏན་ཐམས་ཅད་ཡང་དག
383a5 བརྒྱན|་|སྡིག་པའི་རྒྱ་མཚོ་རྣམ་པར་སྦྱོང་། །ཆོས་རྣམས་ཐམས་ཅད་མཆོད་པར་བྱ། །དེ་ཉིད་ཀྱང་ནི་སྟོན་པར་བྱེད། །དཀྱིལ་འཁོར་རྣམས་ཀྱི་ཆ་ཤེས་པ། །སྔགས་དང་ཕྱག
383a6 རྒྱའི་ཚོགས་ཀྱང་ངོ་། །རྗེས་གནང་དང་ནི་དབང་བསྐུར་འཐོབ། །གང་ཞིག་ཡང་དག་ཡེ་ཤེས་འགྱུར། །བླ་མ་ལ་གུས་བལྟ་དང་ནི། །སྔགས་དང་ཕྱག་རྒྱ་བསྡུས་དང་ལྡན། །གསང
383a7 སྔགས་རྒྱལ་པོའི་གསང་སྔགས་ཤེས། །སེམས་ཅན་མཉེས་ཤིང་བརྩེ་བ་སྨྲ། །བཟླས་དང་སྦྱིན་སྲེག་དེ་ཉིད་ཤེས། །ཞི་དང་རྒྱས་པའི་དེ་ཉིད་ཤེས། །མངོན་སྤྱོད་དང་ནི་དབང་བྱ
iiif viewer powered by OpenSeadragon
