| e-texts navigator |
| Wylie |
382b1 སློབ་དཔོན་རབ་ཏུ་བཤད། །བུ་ཁྱོད་མཉན་པར་བཞག་པས་ཉོན། །དེ་ནི་ཀུན་ཏུ་རབ་གནས་འགྱུར། །གང་མང་ཅུང་ཟད་བདག་གིས་བཤད། །ཚུལ་ཁྲིམས་ཕུན་ཚོགས་སྙིང་རྗེར་ལྡན།།
382b2 བཟོད་དང་བརྩོན་ལྡན་ལེགས་པར་གནས། །གཙང་ཞིང་ཆོ་ག་ཕུན་སུམ་ཚོགས། །བླ་མ་ལ་ཡང་སྨོད་མི་བྱེད། །བདག་ཉིད་ཇི་བཞིན་གཞན་ཕན་ལྟ། །སྦྱིན་ལ་དགའ་ཞིང་ཆེད་དུ་བརྩོན།།
382b3 བདེན་པའི་ཚིག་དང་ཡང་དག་ལྡན། །གཏོང་ཕོད་ལ་དགའ་མཉེས་བཤིན་པ། །ལུས་ཀུན་ཡོན་ཏན་ཕུན་སུམ་ཚོགས། །སངས་རྒྱས་ཉན་ཐོས་རྒྱལ་སྲས་རྣམས། །རྟག་ཏུ་མཆོད་པར་གྱུར
382b4 པ་དང་། །བླ་མ་ལ་གུས་ང་རྒྱལ་མེད། །འགྲོ་ལ་གཅིག་ཏུ་ཕན་ཞིང་དགེ་།བློ་གྲོས་ཟབ་མོ་དང་ཡང་ལྡན། །དུས་དང་དུས་མིན་ཤེས་དང་ལྡན། །དབང་པོ་དོན་གྱི་ཆ་རིག་པ། །རྟག་ཏུ་སེམས
382b5 ཅན་ཕན་པར་དགའ། །གསང་སྔགས་མཉེས་པར་ཤིན་ཏུ་བརྩོན། །དཀྱིལ་འཁོར་འདི་རུ་རབ་ཏུ་བསྔགས། །རྫུ་འཕྲུལ་ཆེན་པོ་ལྷ་རྣམས་དང་། །སངས་རྒྱས་ཉན་ཐོས་ཆོས་རྣམས་དང་།།
382b6 སྐྱོབ་པ་བྱང་ཆུབ་སེམས་དཔའ་ཡང་། །ཆ་ཤས་རིག་ནས་རྟག་པར་ཡང་། །ཟབ་མོའི་དོན་ནི་རབ་ཏུ་བསྟན། །སེར་སྣ་ཡང་ནི་ཡོད་མ་ཡིན། །ཁྲོ་བོ་གང་ཡང་བརྩེ་བར་སྨྲ། །བསྡུ་བ་བཞི་ཡི
382b7 ངང་ཚུལ་ཤེས། །ཕ་རོལ་ཕྱིན་པ་དྲུག་གིས་བརྒྱན། །བྱང་ཆུབ་སེམས་དཔའི་གོ་ཆ་བགོས། །སྒྱུ་མ་ལྟ་བུའི་གོ་འཕང་གནས། །ཉན་ཐོས་རྣམས་ཀྱིས་ཇི་བཞིན་བཤད། །བདེན་པ་བཞི་ནི
iiif viewer powered by OpenSeadragon
