| e-texts navigator |
| Wylie |
382a1 @#། །བཏབ་པ། བཅོམ་ལྡན་འདས་ཆོས་ཀྱི་རྒྱལ་པོ་བདག་ཅག་ལ་ཐུགས་བརྩེ་བ་བསྐྱེད་དེ། སེམས་ཅན་ཐམས་ཅད་དབང་ཕྱུག་གི་གོ་འཕང་ཐོབ་པར་བྱེད་པ།
382a2 ནད་ཐམས་ཅད་གསོ་སྦྱོང་མཛད་པ། དཔལ་ཐམས་ཅད་དང་ལྡན་པ། དུས་མ་ཡིན་པའི་འཆི་བ་དང་བགེགས་ཐམས་ཅད་འཇོམས་པར་བྱེད་པ། དགྲ་ཐམས་ཅད་དང་། ཉེ་བར་འཚེ་བ
382a3 དང་། ཆོམ་རྐུན་དང་། མི་རྒོད་དང་། རྒྱལ་པོའི་གནོད་པ་དང་། སེངྒེ་དང་། སྟག་ལ་སོགས་པ་དང་། རིམས་དང་། སྐྲན་དང་། མཚན་པར་རྡོལ་བ་དང་། སྡིག་སྤྲུལ་གྱི་གནོད་པ
382a4 ཐམས་ཅད་འཇོམས་པར་བྱེད་པ་དང་། གང་གིས་ཁྲོ་བོའི་རྒྱལ་པོའི་དཀྱིལ་འཁོར་གྱི་ཆོས་ཉིད་མཐོང་བས། སེམས་ཅན་ཐམས་ཅད་ཀྱིས་དབང་ཕྱུག་གི་གོ་འཕང་འཐོབ་པར་འགྱུར
382a5 པ་བཤད་དུ་གསོལ། དེ་སྐད་ཅེས་གསོལ་བཅོམ་ལྡན་འདས། །ཤཱཀྱའི་མགོན་པོ་རྫུ་འཕྲུལ་ཆེ། །རྡོ་རྗེ་བྱུང་བ་ཆེ་བའི་བདག་།སྙན་པའི་ཚིག་གིས་བཀའ་སྩལ་པ། །ས་སྟེང་གི་ནི
382a6 དཀྱིལ་འཁོར་མཆོག་། བཤད་པར་བྱ་ཕྱིར་བུ་ཁྱོད་ཉོན། །སྐྱོབ་པ་སངས་རྒྱས་ཐམས་ཅད་དང་། །བྱང་ཆུབ་སེམས་དཔའི་གསང་བ་ནི། །ཁྱོད་ལ་ཡང་དག་བཤད་པར་བྱ། །ཕན་པའི
382a7 སེམས་ཀྱིས་ཚུར་ལ་ཉོན། །ཁྲོ་བོའི་རྒྱལ་པོའི་དཀྱིལ་འཁོར་ནི། །འདི་དག་ཐམས་ཅད་མ་གསུངས་པ། །ངན་པས་སེམས་ནི་འཁྲིགས་པ་ལ། །བུ་ཁྱོད་ཀྱིས་ནི་སྦྱིན་མི་བྱ། །རེ་ཞིག
iiif viewer powered by OpenSeadragon
