| e-texts navigator |
| Wylie |
381b1 བསྔལ་ལས་རབ་གྲོལ། །དེ་ནི་མཆོག་གི་དེ་ཉིད་ཞི། །སངས་རྒྱས་རྣམས་ཀྱི་ཐེག་པར་བརྗོད། །ཐེག་པ་དམ་པ་འདི་བཟུང་ནས། །སངས་རྒྱས་ངེས་པར་གདོན་མི་ཟ། །འདས་པའི་སངས་རྒྱས
381b2 ཀུན་དང་ནི། །དེ་བཞིན་གང་ཡང་མ་བྱོན་པ། །མགོན་པོ་ད་ལྟར་བཞུགས་པ་རྣམས། །འགྲོ་ལ་ཕན་པའི་ཚུལ་ཉིད་ལས། །དེ་དག་ཐམས་ཅད་ཡང་དག་བཟུང་། །སྡུག་བསྔལ་ཞི་བ་འཐོབ་པར
381b3 འགྱུར|་|དེ་ཕྱིར་རྣམ་པ་ཐམས་ཅད་ཀྱི། །འདི་ལྟ་བུ་ཡི་དམ་ཆོས་བསྟེན། །གཙོ་བོ་འདི་ནི་བསྟེན་གྱུར་ན། །སྡུག་བསྔལ་རྣམས་ནི་སེལ་བར་བྱེད། །གང་ཡང་བྱང་ཆུབ་སེམས་དཔའ་གཞན།།
381b4 ཚངས་པ་ལ་སོགས་རྫུ་འཕྲུལ་ཆེ། །སེམས་ཅན་ཕན་པར་ཞུགས་པ་ཡི། །སྤྱན་སྔར་སྙན་པའི་ཚིག་འདི་གསོལ། །མགོན་པོ་ཁྱོད་ཀྱིས་ཅི་ཞིག་གསུངས། །བདག་གི་ཡིད་ཀྱང་རྟེན་གཞན་མེད།།
381b5 ཁྱོད་ཉིད་སྐྱབས་སུ་གྱུར་པ་ལས། །མཆོག་གཞན་ཞིག་ནི་ཡོད་མ་ཡིན། །ཀུན་གྱི་དབང་ཕྱུག་གོ་འཕང་བརྙེས། །རང་གི་རྫུ་འཕྲུལ་སྙེམས་ཚུལ་གྱུར། །འཇིགས་པ་ཀུན་དང་རྣམ་པར་བྲལ། །
381b6 སྡུག་བསྔལ་ཐམས་ཅད་རྣམ་པར་སྤངས། །སངས་རྒྱས་ཆོས་དང་དགེ་འདུན་ལ། །རྫུ་འཕྲུལ་ཆེན་པོ་གུས་པར་ལྡན། །ཐེག་པ་ཆེན་པོར་ཡང་དག་གནས། །བྱང་ཆུབ་མཛད་པ་ལ་སོགས
381b7 འཐད|་|ཅེས་པའོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་པ་ཐམས་ཅད་དང་ལྡན་པའི་འཁོར་དེ་དག་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་གསོལ་བ
iiif viewer powered by OpenSeadragon
