| e-texts navigator |
| Wylie |
380a1 @#། །རང་གི་རྫུ་འཕྲུལ་གཡུལ་ལས་རྒྱལ། །ས་སྟེང་ཕ་རོལ་གནོན་པ་འབྱུང་། །ཐམས་ཅད་དབང་ཕྱུག་གོ་འཕང་འཐོབ། །བདུད་ཀུན་གྱི་ནི་གཙོར་གྱུར་པ། །ས་སྟེང
380a2 གྱུར་ཏོ་ཅོག་ཀུན་ནི། །འཇིགས་པ་ཐམས་ཅད་རྣམ་པར་བྲལ། །ངན་འགྲོ་ཞེས་ནི་གང་བཤད་པའི། །ཤིན་ཏུ་སྡུག་བསྔལ་གཏིང་གནས་ཏེ། །ངན་འགྲོ་ཐམས་ཅད་རྣམ་དྲལ་ནས།།
380a3 བདེ་བ་ཡི་ནི་སྣོད་དུ་འགྱུར། །དམྱལ་བའི་མེ་ཞེས་བྱ་བ་ཡི། །ཤིན་ཏུ་བལྟ་དཀའ་འཇིགས་རུང་དེ། །དེ་ཚེ་ལྷག་པར་གསལ་བར་གྱུར། །སྟོན་ཀའི་ཟླ་བའི་ཆ་ལྟར་གནས། །གང
380a4 ཡང་དམྱལ་བ་ཞེས་བཤད་པ། །ཤིན་ཏུ་གྲང་བའི་མུན་ནག་འཁྲིགས། །དྲག་ཤུལ་མེ་ཆེན་འབར་བ་བཞིན། །དེ་དག་ཐམས་ཅད་དྲོ་བར་འགྱུར། །ཡི་དྭགས་ཞེས་བྱའི་སྡུག་བསྔལ
380a5 གང་། །ཤིན་ཏུ་མི་བཟད་འཇིགས་སུ་རུང་། །རིག་པ་འདི་ཡི་མཐུ་སྟོབས་ཀྱིས། །འདི་དག་ཐམས་ཅད་བྲལ་བར་འགྱུར། །གང་ཡང་འཁོར་དེ་ཐམས་ཅད་ནི། །སྡུག་བསྔལ་གྱིས་ནི
380a6 སེམས་གདུངས་པ། །བདེ་བ་ཐམས་ཅད་ཡང་དག་གཏད། །ཕན་ཚུན་དུ་ནི་དགའ་གཏམ་སྨྲ། །བགེགས་ཆེན་ལོག་པར་འདྲེན་པ་དང་། །གཞན་ཡང་སྲོག་ཆགས་གྱུར་པ་གཞན།།
380a7 ས་སྟེང་འབྱུང་པོ་རང་སེམས་གནས། །ངེས་པར་གྱུར་ནས་འདི་རྣམས་ནི། །གཅིག་ལ་གཅིག་ནི་བལྟ་བར་འགྱུར། །བྱང་ཆུབ་སེམས་དཔའ་དཔའ་བོ་དང་། །ཚངས་པ་ལ་སོགས
iiif viewer powered by OpenSeadragon
