| e-texts navigator |
| Wylie |
340b1 སྙིང་རྗེ་མིག་གི་དྲི་མ་མེད། །བྱམས་པའི་གོ་ཆ་ལེགས་པར་བགོས། །དགའ་བ་དྲི་མ་མེད་རྩལ་བྲལ། །སྲིད་པའི་རྒྱ་མཚོར་བྱིང་བ་ཡི། །སེམས་ཅན་འདེན་པར་རབ་ཏུ་བརྩོན། །འཁོར་བ
340b2 ན་ཡང་མི་གནས་ཤིང་། །མྱ་ངན་འདས་པའང་གནས་མ་ཡིན། །ཡང་དག་མཐའ་ལ་ངེས་བྱས་ཤིང་། །སེམས་ཅན་རྣམས་ཀྱི་དོན་བྱེད་པའོ། །དེ་ནས་གསང་བ་བའི་བདག་པོ་ཕྱག་ན་རྡོ་རྗེས
340b3 ཐམས་ཅད་དང་ལྡན་པའི་འཁོར་ལ་བལྟས་ནས་ཚིག་སྨྲས་པ། ཐམས་ཅད་མཁྱེན་པ་སྡིག་བྲལ་བ། །སྟོན་པ་བཅོམ་པར་ལྡན་པ་འདིས། །བགེགས་རྣམས་འབྱུང་བར་འགྱུར་བའི་གནས།
340b4 གཏན་ལ་བབ་པར་བཤད་གྱུར་པ། །གྲོགས་པོ་ཀུན་གྱིས་མཉན་པར་གྱིས། །བགེགས་ནི་རྣམ་པ་དུ་མ་སྟེ། །ལྷ་དང་ལྷ་མིན་གནོད་སྦྱིན་མི། །དེ་ལ་བགེགས་ནི་རྣམ་གཉིས་ཏེ། །ཕྱི་དང་ནང
340b5 གི་སྤྱོད་ཡུལ་ལོ། །གློ་ལུད་དབུགས་བརྣང་རིམས་དང་སྐྱུག་།སྐྱ་རྦབ་ནད་དང་ཡི་ག་འཆུས། །དེ་ལ་སོགས་པའི་རིམས་ནད་ནི། །གྲང་རླུང་ཚ་བ་ལ་སོགས་ལས། །མི་བཟད་ངོ་བོ་ཅན་འབྱུང
340b6 བ|་|ནང་གི་ཡིན་པར་ཤེས་པར་བྱ། །ཕྱི་རོལ་གྱི་ནི་བགེགས་ཆེན་རྣམས། །མི་དང་དེ་བཞིན་མི་མིན་ཏེ། །ཡེ་ཤེས་ཚེར་མ་དེ་དག་ནི། །སྤྱོད་པ་རྣམ་པ་སྣ་ཚོགས་ཀྱིས། །འཇིག་རྟེན་གཞིག
340b7 པའི་ཕྱིར་འབྱུང་སྟེ། །དཀའ་ཐུབ་གནས་ན་རྨོངས་པར་བྱེད། །ལས་ཀྱི་ཆོ་ག་མཐོང་བ་ཡིས། །དེ་རྣམས་སླར་ནི་བཟློག་པར་བྱ། །ཚ་བར་གྱུར་ནས་འོང་བའི་བགེགས། །བསིལ་བས་ཉེ་བར
iiif viewer powered by OpenSeadragon
