| e-texts navigator |
| Wylie |
340a1 @#། །ལྡན་འདས་རྣམ་པར་སྣང་མཛད་ཀྱི་བྱིན་གྱི་རླབས་ཀྱིས་སྙིང་རྗེ་ཆེན་པོ་མངོན་དུ་བྱས་ཏེ་འདི་ཉིད་ཀྱི་རྒྱུད་ཕྱི་མ་སྨྲས་པ། དང་པོ་སློབ་དཔོན་གཙང་སྦྲ་བྱས་ཏེ་ཆོས་ཀྱི
340a2 དབྱིངས་སུ་གྱུར་པའི་ཡིད་ཀྱིས་བདག་རྣམ་པར་སྣང་མཛད་དུ་ཕྱག་རྒྱ་དང་གསང་སྔགས་ཀྱིས་བསྒྱུར་ཏེ་དཀྱིལ་འཁོར་བྲིའོ། །སྔགས་པ་གསང་སྔགས་ཆོ་ག་ལ། །རྟག་པར་ཆོ་ག་སྔ་མ
340a3 ཡིས|་|ཕྱེ་མ་དཀར་པོ་བླངས་ནས་སུ། །སྙིང་རྗེར་གྱུར་པའི་ཡིད་ཀྱིས་ནི། །རྟག་ཏུ་མི་གཡོ་དྲན་བྱས་ཏེ། །དང་པོར་ཚོན་རྩི་དགྱེ་བར་བྱ། །དེ་ནས་ཚོན་རྩི་གཉིས་པ་ནི། །དམར་པོར་བླངས་ནས
340a4 དགྱེ་བར་བྱ། །ཚོན་རྩི་གསུམ་པ་སེར་པོ་ཡང་། །ཤིན་ཏུ་ངེས་པར་དགྱེ་བར་བྱ། །དེ་ནས་མརྒད་འདྲ་བར་དགྱེ། །དེ་ནས་ཨིནྡ་རྙིལ་འདྲ་དགྱེ། །གང་གིས་ཁ་དོག་ཅི་འདྲར་གསུངས། །དེ་ཡི་དཀྱིལ་འཁོར
340a5 དེ་ཉིད་དོ། །ལྷ་ཡི་ཁ་དོག་དེ་བཞིན་ཏེ། །ཞི་དང་རྒྱས་དང་དྲག་སྤྱོད་པ། །དེ་ཡི་གསང་སྔགས་དེ་ཉིད་འདོད། །དེ་ནི་གསང་བ་བསྟན་པ་ཡིན། །དེ་བཞིན་གཤེགས་པའི་གསང་བ་གང་། །དེ
340a6 དག་དབང་ཆེན་ཡིན་པར་བསྔགས། །ཕྱག་ན་པདྨའི་ཆུ་ཡི་ཡིན། །རྡོ་རྗེ་ཅན་གྱི་རླུང་གི་ཡིན། །ཕོ་ཉ་ལ་སོགས་བྲན་རྣམས་དང་། །ཁྲོ་བོའི་མིང་དུ་གང་གཏོགས་པ། །ཀུན་ཏུ་ཐོགས་མེད་གང
340a7 གཏོགས་པ། །ཀུན་ཏུ་ཐོགས་མེད་སྤྱོད་པ་རྣམས། །ཀུན་གྱི་དཀྱིལ་འཁོར་མེ་དང་རླུང་། །ཡང་ན་འདི་དག་ཐམས་ཅད་ཀྱང་། །ནུས་པའི་མཐུ་ནི་ཀུན་དང་ལྡན། །སྟོང་པ་ཉིད་ཀྱི་བདུད་རྩི་ངོམས།།
iiif viewer powered by OpenSeadragon
