| e-texts navigator |
| Wylie |
338b1 ཅན་དམྱལ་བ་དང་། དུད་འགྲོའོ། །གསང་བ་པའི་བདག་པོ། དེ་དག་ལ་ནི། དགེ་བའི་རྩ་བའི་རྒྱུ་ཅུང་ཟད་ཀྱང་ཡོད་པར་ང་མི་སྨྲའོ། །དེ་ཅིའི་ཕྱིར་ཞེ་ན། དེ་དག་ནི། རྩ་བ་ཆད་པར་བྱེད་པ་ལ
338b2 ཞུགས་ཏེ་སངས་རྒྱས་ཀྱི་བྱང་ཆུབ་ལ་བར་དུ་གཅོད་པར་བྱེད་པ། བདུད་ཀྱིས་ཟིལ་གྱིས་ནོན་པ། ཤེས་རབ་འཆལ་བའི་རང་བཞིན་ཅན། ཐེག་པ་ཆེན་པོ་ལ་གོམས་པར་མ་བྱས་པ། ཉན
338b3 ཐོས་ཀྱི་ཐེག་པ་ལ་སྙིང་པོར་འདུ་ཤེས་པ་རྣམས་འབྱུང་བར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པར་གྱུར་པ་དེ་དག་ལ
338b4 ཚུལ་ཁྲིམས་འཆལ་བ་སྡིག་པའི་ཆོས་སྤྱོད་པ་དེ་དག་ལ་སངས་རྒྱས་ཀྱི་བྱང་ཆུབ་ག་ལ་ཡོད་ཅེས་སྨྲ་བར་འགྱུར་ཏེ། མི་བླུན་པོ་དེ་དག་འདི་ལྟར་བཅོམ་ལྡན་འདས་ཐམས་ཅད་མཁྱེན
338b5 པ་དེས་སེམས་ཅན་རྣམས་ལ་ཕན་གདགས་པའི་ཕྱིར་འདི་དག་ཐམས་ཅད་གསུངས་སོ། །དེ་དག་ལ་ལྟ་བའི་སེམས་བསྐྱེད་པས་སྡུག་བསྔལ་གྱི་སྐལ་པ་ཅན་དུ་འགྱུར་རོ། །དེ་ཅིའི་ཕྱིར
338b6 ཞེ་ན|་དེ་དག་ནི། དེ་བཞིན་གཤེགས་པའི་གསང་བ་འཛིན་པ་ལྷ་དང་བཅས་པའི་འཇིག་རྟེན་གྱིས་ཕྱག་བྱ་བར་འོས་པ་ཡིན་པར་རིག་པར་བྱའོ། །དེ་ནས་ཡང་བཅོམ་ལྡན་འདས
338b7 རྣམ་པར་སྣང་མཛད་ཀྱིས་ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་ལ་བཀའ་སྩལ་བ། རིགས་ཀྱི་བུ་དེ་རྣམས་བསྲུང་བ་དང་བསྐྱབ་པ་དང་སྦ་བའི
iiif viewer powered by OpenSeadragon
