| e-texts navigator |
| Wylie |
338a1 @#། །འདུ་ཤེས་དང་། ཕའི་འདུ་ཤེས་དང་། མའི་འདུ་ཤེས་བསྐྱེད་པར་བྱའོ། །གསང་བ་པའི་བདག་པོ། གང་ལ་བརྟེན་ནས་སེམས་ཅན་དམྱལ་བ་རྒྱུན་ཆད་པར
338a2 འགྱུར་ཞིང་དུད་འགྲོའི་སྐྱེ་གནས་སུ་འགྲོ་བ་དང་། གཤིན་རྗེའི་འཇིག་རྟེན་པའི་ཕུང་པོ་མེད་པར་འགྱུར་བའི་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས
338a3 དཔའི་སྤྱད་པ་སྤྱོད་པ་དེ་དག་ལ་ཇི་ལྟར་ལན་ལྡོན་པར་འགྱུར། བྱང་ཆུབ་སེམས་དཔའ་དེ་དག་མི་མཉམ་པ་དང་མཉམ་པ་ལ་གནས་པ། དེ་བཞིན་གཤེགས་པ་ཐམས་ཅད་ཀྱི
338a4 བྱིན་གྱི་རླབས་ཀྱིས་བྱིན་གྱིས་བརླབས་པ། ནམ་མཁའ་ལྟར་གནས་པ་མེད་པའི་སྤྱོད་ཡུལ་ཅན་དུ་རིག་པར་བྱའོ། །གསང་བ་པའི་བདག་པོ། ངས་ཁྱོད་ལ་བསྒོ་བར་བྱའོ། །ཤེས
338a5 པར་བྱའོ། །མ་འོངས་པའི་དུས་ན་མི་བླུན་བོ་དམིགས་པ་ཅན་ལ་ལྟ་བ། འཇིག་ཚོགས་ལ་ལྟ་བ། མངོན་པར་ཞེན་པ། བློ་ཕྱིན་ཅི་ལོག་ཏུ་གྱུར་པ། བདག་གི་སེམས་ཀྱི་གནས
338a6 གཏན་ལ་མ་ཕེབས་པ་རྣམས་རྣམ་པར་འཁྲུལ་ནས་འདི་སྐད་དུ་འདི་ནི། སངས་རྒྱས་ཀྱིས་གསུངས་པ་མ་ཡིན་གྱི། འདི་དག་ནི། རང་བཟོ་ཅན་གྱིས་རང་བཟོར་བྱས་པ་ཡིན་ནོ། །
338a7 ཞེས་ཟེར་བ་དག་འབྱུང་བར་འགྱུར་རོ། །གསང་བ་པའི་བདག་པོ། མི་བླུན་པོ་དེ་དག་ནི། འགྲོ་བ་གཉིས་སུ་འགྲོ་བར་རིག་པར་བྱ་སྟེ། གཉིས་གང་ཞེ་ན། འདི་ལྟ་སྟེ། སེམས
iiif viewer powered by OpenSeadragon
