| e-texts navigator |
| Wylie |
337b1 ལྡན་འདས། ནམ་མཁའི་དབྱིངས་ཀྱི་ཚད་མ་མཆིས་པས་དེའི་ཚད་གཟུང་བར་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། ནམ་མཁའི་དབྱིངས་ཀྱི་མཐའ་ནི། རྟོགས་པར
337b2 ནུས་ཀྱང་སྲིད་ཀྱི། གསང་བའི་སྙིང་པོའི་དཀྱིལ་འཁོར་དུ་དམ་ཚིག་མཐོང་བའི་རིགས་ཀྱི་བུའམ་རིགས་ཀྱི་བུ་མོ་བསོད་ནམས་མངོན་པར་འདུ་བྱས་པ་གང་ཡིན་པའི་བསོད་ནམས
337b3 དེའི་ཚད་ནི། རྟོགས་པར་མི་ནུས་སོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ། དཀྱིལ་འཁོར་འདི་ནི། སངས་རྒྱས་འབྱུང་བ་མཐོང་བའོ། །གསང་བ་པའི་བདག་པོ། དཀྱིལ་འཁོར
337b4 ཞེས་བྱ་བ་ནི། སྙིང་པོ་གཙོ་བོ་ཐམས་ཅད་ཀྱི་མཐར་ཕྱིན་པ་སྟེ། དེའི་གོང་ན་དེ་བཞིན་གཤེགས་པའི་སྙིང་པོ་མེད་དོ། །དགེ་བའི་རྩ་བ་ཐམས་ཅད་ཀྱི་སྙིང་པོར་གྱུར་པ། གནས་སུ་གྱུར
337b5 པ|་སྐྱབས་སུ་གྱུར་པའོ། །གསང་བ་པའི་བདག་པོ། དེ་བས་ན། རིགས་ཀྱི་བུའམ་རིགས་ཀྱི་བུ་མོ་དཀྱིལ་འཁོར་དང་ཕྱག་རྒྱ་དང་དམ་ཚིག་འདི་ལ་འཇུག་པར་འདོད་པས་དཀྱིལ་འཁོར
337b6 དང་ཕྱག་རྒྱ་དང་དམ་ཚིག་ལ་འཇུག་པ་ཐོབ་པར་འགྱུར། གང་དག་དང་འཇིག་རྟེན་གྱི་ཁམས་མེ་མ་མུར་གྱིས་ཡོངས་སུ་གང་བ་ལ་ཡང་རྐང་པ་གཉིས་ཀྱིས་འབོགས་ཏེ་འགྲོ་བར་བྱའོ།།
337b7 བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་དེ་རྣམས་ལ་ཡང་རིགས་ཀྱི་བུའམ་རིགས་ཀྱི་བུ་མོ་དེ་དག་གིས་དགེ་བའི་བཤེས་གཉེན་གྱི
iiif viewer powered by OpenSeadragon
