| e-texts navigator |
| Wylie |
89b1 མེད་དང་། །ཤེས་པ་རྣམས་དང་ཚེ་དང་སྟོབས། །གཟུགས་མཆོག་ངེས་པར་སྩོལ་བར་བགྱི། །དེ་ནས་བཅོམ་ལྡན་འདས་གདན་ལས་བཞེངས་ཏེ། ཁམས་གསུམ་མཐའ་དག་ལུས
89b2 དང་། ངག་དང་། སེམས་རྡོ་རྗེའི་རྡུལ་ཕྲ་མོ་རྣམས་ཀྱིས་ཁྱབ་ནས་དེ་བཞིན་གཤེགས་པ་ཐམས་ཅད་དང་ལེགས་སོ་ཞེས་བྱ་བ་བྱིན་ཏེ། ལེགས་སོ། ལེགས་སོ། སེམས་དཔའ
89b3 ཆེན་པོ་ཞེས་བྱས་ནས་བཅོམ་ལྡན་འདས་ཕྱག་ན་རྡོ་རྗེས་གསུངས་པ་ལ་མངོན་པར་དགྱེས་པར་གྱུར་ཏོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ
89b4 པོ་ཀུན་རྫོགས་སོ། ། །།འདིའི་འགྱུར་ལ་ལོ་ཆེན་རིན་ཆེན་བཟང་པོས་བསྒྱུར་ཡང་ཟེར། རྣལ་འབྱོར་རྒྱུད་ལ་མཁས་པ་ཞ་ལུ་བ་རྒྱ་མཚོས་ཚིག་དོན་ལ་ལེགས
89b5 པར་དཔྱད་ནས་ཞུས་དག་ཡང་འགའ་ཞིག་རྨ་དགེ་བློས་བསྒྱུར་རོ་ཞེས་ཀྱང་འདོད་པ་ཡོད། ། །།རྒྱ་གར་སྐད་དུ་སུ་པྲ་ཏི་ཥྠ་ཏ་ནྟྲ་སཾ་གྲ་ཧ། བོད་སྐད་དུ། རབ་ཏུ
89b6 གནས་པ་མདོར་བསྡུས་པའི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཆལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས
89b7 པ་ཐམས་ཅད་ཀྱི་དམ་ཚིག་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བརྡུངས་པ་དང་། བྲིས་པ་དང་། འབུར་དུ་བྱས་པ་ལ་སོགས
iiif viewer powered by OpenSeadragon
