| e-texts navigator |
| Wylie |
413a1 @#། །ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷ་ཐམས་ཅད་ཀྱི་མཆོག་དགའ་བའི་ཚལ་ན་བཞུགས་ཏེ། ནོར་བུ་དང་།
413a2 གསེར་གྱི་ཤིང་ལོ་མ་དང་། ཡལ་ག་དང་། ལྕུག་མར་བཅས་པའི་སྡོང་པོ་དང་། ཤིང་གེལ་བ་དང་། སྨན་དང་། མེ་ཏོག་ཀ་མ་ལ་དང་། མེ་ཏོག་ཨུཏྤལ་དང་། མེ་ཏོག
413a3 ཀ་རྞི་ཀཱ་དང་། མེ་ཏོག་བཀྐུ་ལ་དང་། མེ་ཏོག་ཏི་ལ་ཀ་དང་། མེ་ཏོག་ཨ་ཤོ་ཀ་དང་། མེ་ཏོག་མནྡཱ་ར་བ་དང་། མེ་ཏོག་མནྡཱ་ར་བ་ཆེན་པོ་ལ་སོགས་པ་མེ་ཏོག་རྣམ་པ་སྣ
413a4 ཚོགས་པས་ཉེ་བར་མཛེས་པ། །དཔག་བསམ་གྱི་ཤིང་རྣམས་ཀྱིས་ཡང་དག་པར་བརྒྱན་པ། །རྒྱན་སྣ་ཚོགས་ཀྱིས་རྣམ་པར་སྤྲས་པ། བྱའི་ཚོགས་སྣ་ཚོགས་སྐད
413a5 སྙན་པ་འབྱིན་པ། རྔ་དང་། རྔ་མུ་ཀུནད་དང་། གླིང་བུ་དང་། རྔ་བྷི་རི་ལ་སོགས་པའི་སྒ་སྒྲོགས་པ། བརྒྱ་བྱིན་དང་། ཚངས་པ་ལ་སོགས་པ་དང་། ལྷའི་བུ་རྣམ་པ་སྣ་ཚོགས
413a6 པ་རྣམས་རྣམ་པར་རྩེ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པ་ནའོ། །བརྒྱ་བྱིན་དང་། ཚངས་པ་ལ་སོགས་པའི་ལྷ་ཐམས
413a7 ཅད་དང་། རིག་པ་འཛིན་པ་དང་། ལྷའི་བུ་མོ་འཁོར་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱ་སྟོང་རྣམས་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། ནམ
iiif viewer powered by OpenSeadragon
