| e-texts navigator |
| Wylie |
146a1 @#། །ལ་ནི་རྡོ་རྗེ་གསང་བའི་པྲ་སེ་ན་དབབ་པས་སོ། །གདོན་ཐམས་ཅད་ལས་ཐར་པ་ལ་ནི་རྡོ་རྗེ་གསང་བའི་གདོན་ལས་ཐར་བས་སོ། །གདུག་པ
146a2 ཐམས་ཅད་གཞིག་པ་ལ་ནི་རྡོ་རྗེ་གསང་བའི་བགེགས་འཇོམས་པས་སོ། །ཐམས་ཅད་རེངས་པར་བྱ་བ་ལ་ནི་རྡོ་རྗེ་གསང་བའི་རེངས་པས་སོ། །ཐམས་ཅད་གཉིད་ལོག་པར
146a3 བྱ་བ་ལ་ནི་རྡོ་རྗེ་གསང་བའི་གཉིད་ཀྱིས་སོ། །ཐམས་ཅད་རྒྱས་གདབ་པ་ལ་ནི་བདེ་བ་ཆེན་པོ་རྡོ་རྗེ་གསང་བའི་དམ་ཚིག་གི་མཁའ་འགྲོ་མས་སོ། །ཐམས་ཅད་དུ་གསང
146a4 བ་ལ་ནི་རྡོ་རྗེ་གསང་བ་མཐར་བྱེད་ཀྱིས་སོ། །ཐམས་ཅད་བསྒྱེལ་བ་ལ་ནི་རྡོ་རྗེ་གསང་བའི་ཧཱུཾ་མཛད་ཀྱིས་སོ། །ཐམས་ཅད་བསླང་བ་ལ་ནི་རྡོ་རྗེ་གསང་བའི་དམ་ཚིག
146a5 གིས་བསླང་བ་འོ། །ཐམས་ཅད་བཅིང་བ་ལ་ནི་རྡོ་རྗེ་གསང་བའི་བཅིངས་པས་སོ། །ཐམས་ཅད་ཐར་པར་བྱ་བ་ལ་ནི་རྡོ་རྗེ་གསང་བའི་ཡི་གེ་མུས་སོ། །ཕྲ་མེན་མ་ཐམས
146a6 ཅད་ལས་ཐར་བར་བྱ་བ་ལ་དང་། སྔོན་གྱི་གནས་སྐབས་རྗེས་སུ་སྦྱིན་པ་ལ་ནི་གསང་བ་ཆེན་པོ་ཧེ་རུ་ཀའི་རྡོ་རྗེས་སོ། །མ་མོའི་གདོན་ཐམས་ཅད་ལས་ཐར་བར་བྱ
146a7 བ་ལ་ནི་རྡོ་རྗེ་གསང་བའི་དྲག་མོས་སོ། །ཕྲ་མེན་མ་ཐམས་ཅད་ཀྱིས་རྒྱས་བཏབ་པ་ལ་དང་། ཐར་བར་བྱ་བ་ལ་དང་། སྙིང་ཟོས་པ་ལས་སྙིང་གཞན་འབྱུང་བར
iiif viewer powered by OpenSeadragon
