| e-texts navigator |
| Wylie |
129a1 @#། །བདག་པོ་ཕྱག་ན་རྡོ་རྗེ་གཏུམ་པོར་བདག་གྲུབ་པ་ཡིན་ནོ་ཞེས་ཤེས་པར་བྱའོ། །དེ་ནས་ཕྱག་རྒྱ་ཐམས་ཅད་བཅིང་བར་བྱ་ཞིང་བསྒྲུབ་པར
129a2 བྱའོ། །དེ་ནས་མཆོད་ལ་དེ་བཞིན་དུ་ཡང་དག་པར་ཚིམ་པར་བྱས་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ལན་གཅིག་བརྗོད་ལ་སླར་དབྱུང་བར
129a3 བྱའོ། །དེ་བཞིན་དུ་ཕྱག་རྒྱ་བཅིང་བ་ལ་སོགས་པའི་ཆོ་ག་རྒྱས་པ་ནི་དང་པོ་ལ་སོགས་པའི་དཀྱིལ་འཁོར་ཐམས་ཅད་དུ་བྱའོ། །ཕྱག་ན་རྡོ་རྗེའི་དཀྱིལ་འཁོར
129a4 རོ། །སྒྲུབ་པ་དང་། དངོས་གྲུབ་ཀྱང་དེ་བཞིན་ཏེ། མ་བསྒྲུབས་པར་ཡང་དང་པོ་ཅི་ལྟ་བ་བཞིན་ནོ། །གདུག་པ་ཐམས་ཅད་འདུལ་བ་ལ་ནི་རྡོ་རྗེ་མ་ཆེ་བའི་ཕྱག་རྒྱས
129a5 སོ། །སེམས་ཅན་ཐམས་ཅད་འདུལ་བ་ལ་ནི་ཁྲོ་བོས་ཧ་ཧ་ཞེས་དགོད་ཅིང་ཟློས་པས་སོ། །ཉན་ཐོས་དང་། རང་སངས་རྒྱས་ཀྱི་འདོད་ཆགས་དང་བྲལ་བ་ལས་ལྟུང
129a6 བར་བྱ་བ་ལ་ནི་ཆོས་གོས་དང་། སྣམ་སྦྱར་གྱི་སྦྱིན་སྲེག་གིས་སོ། །དབང་བསྐུར་བ་ཐམས་ཅད་ད་བྲོག་པ་ལ་ནི་ཁམས་ཐམས་ཅད་ཀྱི་ཕྱེ་མའི་སྦྱིན་སྲེག་གིས་སོ། །
129a7 ཐམས་ཅད་རྒྱས་གདབ་པ་ལ་ནི་རྡོ་རྗེ་ཁུ་ཚུར་གྱི་ཕྱག་རྒྱས་སོ། །ཐམས་ཅད་བཅད་པ་ལ་ནི་གཟུགས་བརྙན་བྱས་ནས་གཏུབ་པས་སོ། །མ་རུངས་པ་ཐམས་ཅད་ཀྱི
iiif viewer powered by OpenSeadragon
