| e-texts navigator |
| Wylie |
127a1 @#། །དེའི་ཕྱོགས་ཐམས་ཅད་དུ་དམ་ཚིག་སེམས་དཔའ་རྣམས་གཞག་པར་བྱའོ། །འདི་ལྟ་སྟེ། ཕྱག་ན་རྡོ་རྗེ་དང་། འཇིག་རྟེན་དབང་ཕྱུག་ལ་སོགས
127a2 པ་བྱང་ཆུབ་སེམས་དཔའ་བརྒྱད་པོ། བྱང་ཆུབ་ཀྱི་སེམས་དང་། ཏིང་ངེ་འཛིན་དང་། དབང་བསྐུར་བ་དང་། ཕྱག་རྒྱ་ཡོངས་སུ་འཛིན་པ་དང་། སྟོང་པ་ཉིད་དུ་སྨྲ་བ་དང་།
127a3 དཀྱིལ་འཁོར་འདྲི་བ་དང་། མཆོད་པ་ཐམས་ཅད་དང་། སེམས་ཅན་རྣམས་ཡོངས་སུ་སྐྱོབ་པ་ནི་བླ་ན་མེད་པའི་མཆོད་པའི་ཆོ་ག་རྒྱས་པ་ཕྱག་ན་འཛིན་པའི་ཚུལ་གྱིས
127a4 ཅི་ལྟ་བ་བཞིན་དུ་གཞག་གོ་། ཕྱིའི་མཚམས་རྣམས་སུ་ནི་མེ་ཏོག་ལ་སོགས་པ་རྣམས་དང་། སྒོ་རྣམས་སུ་ནི་དབྱིག་དང་། གསེར་དང་། མུ་ཏིག་དང་། རིན་པོ་ཆེ་སྟེ
127a5 མཚན་མ་བཞི་གཞག་པར་བྱའོ། །དེ་ནས་དེ་བཞིན་དུ་རྡོ་རྗེ་ཐམས་ཅད་ཀྱིས་མཆོད་པ་ཐམས་ཅད་འཐོབ་པར་འགྱུར་རོ། །ཞུགས་ནས་སྣ་ཚོགས་རྡོ་རྗེ་བླངས་ལ།
127a6 སྣ་ཚོགས་རྡོ་རྗེའི་མིང་གིས་དབང་བསྐུར་བས་དབང་བསྐུར་ནས་མཆོད་པ་རྣམ་པ་བཞི་བྱ་སྟེ། འདི་ལྟ་སྟེ། ལུས་ཀྱི་ལས་ཐམས་ཅད་དང་། ཕྱག་བྱ་བ་དང་། ངག་དང་།
127a7 ཡིད་དང་། སེམས་ཀྱིས་ཆོས་ཀྱི་དབྱིངས་སུ་སྤྲོས་པས་མཆོད་པའི་ཆོ་ག་རྒྱས་པ་ཐམས་ཅད་ཀྱིས་མཆོད་པར་བྱ་ཞིང་། རྡོ་རྗེ་དང་། ཕྱག་རྒྱས་མཆོད་པ་གཅིག་ཏུ་བྱས
iiif viewer powered by OpenSeadragon
