| e-texts navigator |
| Wylie |
429b1 ཕྱག་འཚལ། །སངས་རྒྱས་ཀུན་གྱི་རང་བཞིན་ཁྱོད། །སངས་རྒྱས་ཐམས་ཅད་གཅིག་བསྡུས་པས། །སངས་རྒྱས་ཀུན་རབ་མཆོག་གི་མཆོག་།དཀྱིལ་འཁོར་དབང་ཕྱུག་ཁྱོད་ཕྱག
429b2 འཚལ|་|ཿཡིག་ལས་སྐྱེས་པདྨའི་སྣོད། །མི་མགོ་གསུམ་གྱི་སྟེང་གནས་པ། །དག་པར་རྣམ་པར་བསྐྱེད་བྱས་ཏེ། དེར་ནི་འོག་ཏུ་མེ་དཀྱིལ་འཁོར། །ཟུར་གསུམ་རཾ་ཡིག་ལས
429b3 བྱུང་བའོ། །དེར་ནི་འོག་ཏུ་རླུང་དཀྱིལ་འཁོར། །སྔོན་པོ་གཡོ་བ་གཞུ་ལྟ་བུ། །བ་དན་གྱིས་མཚན་ཡཾ་ལས་བྱུང་། །དེར་ནི་དེའི་མིང་དང་པོ་ལས། །བསྐྱེད་དེ་རྣམ་སྣང་ལ་སོགས་པ། །དཾ
429b4 ཡིག་སོགས་ལས་ཡང་དག་བྱུང་། །གླང་པོ་ཆེ་ལ་སོགས་པ་ལྔས། །ཧཱུཾ་སྐྱེ་རྡོ་རྗེའི་ཁ་ཆོད་ཀྱིས། །བཀབ་པ་མཁས་པས་བསྒོམ་པར་བྱ། །མེ་ལ་རླུང་གིས་བསྐྱོད་པ་ན། །དེར་ནི་ཞུ་བ
429b5 རྣམ་བསམ་བྱ། །རྡོ་རྗེའི་རོ་མཉམ་དག་གྱུར་ཅིང་། །ཤིན་ཏུ་དྲི་མ་མེད་བལྟས་ཏེ། །ཧཱུཾ་ཡིག་འོད་ཀྱིས་སངས་རྒྱས་རྣམས། །སྤྱན་དྲངས་ཡེ་ཤེས་རང་བཞིན་ཅན། །སྔགས་ཀྱི་གཟུགས
429b6 ཀྱིས་རབ་གཞུག་ཅིང་། །མཆོག་གི་བདུད་རྩི་ལྔར་བལྟས་ནས། །དེ་ཉིད་གསུམ་གྱིས་བྱིན་བརླབ་བྱ། །དཀྱིལ་འཁོར་བདག་པོ་ཚིམ་བྱ་སྟེ། །ལྕེ་ལ་རྡོ་རྗེ་གཙང་མ་ཉིད། །ཧཱུཾ་ཡིག་ཡང
429b7 དག་བྱུང་བལྟ་དེར། །དེ་འོད་སྦུ་གུའི་རྣམ་པ་ལས། །ཡང་དག་བཀུག་པ་དེ་ཡིས་ཀྱང་། །རྫོགས་སངས་རྒྱས་ཀུན་སྣ་ཚོགས་གནས། །དཀྱིལ་འཁོར་བ་རྣམས་དེ་བཞིན་གཞན། །
iiif viewer powered by OpenSeadragon
