| e-texts navigator |
| Wylie |
423a1 @#། །ཏེའུ་ལོ་པགས་པ་སྲོག་འཁོར་ལྡན། །དེ་ཡི་ཤ་ཁྲག་མཆོད་གཏོར་ཏེ། །རྐྱལ་བུའི་ནང་དུ་བསྒྲུབ་བྱའི་རྫས། །རུས་པ་མིང་རུས་ལྡན་པ་གཞུག་།སྐྲ་ཡིས་བཅིངས
423a2 ལ་ཁུང་བུར་གཞུག་། བདག་ཉིད་ལྷར་བསྐྱེད་མདུན་དུ་ནི། །བྷྲུཾ་ལས་དབྱུག་ཏོ་དེ་ཡིས་མཚན། །དེ་གྱུར་དབང་ཆེན་ཐལ་བའི་མདོག་།དབྱུག་ཐོ་ཐོད་པ་འཛིན་པ་སྟེ། །ཁྲག་དང་ཐལ
423a3 བས་སྤྲས་པ་ལས། །མི་སྲུན་འཁོར་གྱིས་བསྐོར་བ་བསྐྱེད། །མ་ཧཱ་དེ་བ་ཤྭ་ར་ར། དགྲ་བོ་མཱ་ར་ཡ་ཙིཏྟ་ཧུ་ར་ཐུཾ། ལྷ་ཡི་ལས་ལ་བསྐུལ་ནས་ནི། །དེ་ཡི་གང་ཡིན་བཀུག་ལ་བསྟིམ། །
423a4 རྟགས་བྱུང་ནས་ནི་ཧོཾ་དུ་བྱ། །ཏེའུ་ལོ་པའི་ཤ་ཁྲག་སྤུ་དང་རུས། །སྔར་གྱི་ལིངྒ་བཅས་པ་དེ། །དབང་ཕྱུག་ཆེན་པོའི་ཞལ་དུ་དབུལ། །ན་མཿམཧཱ་བྷུ་ཏི་དགྲ་བོ་མཱ་ར་ཡ་ཕཊ། བསྟན་པའི
423a5 དགྲ་འདུལ་ལས་མཁན་ཡིན། །ལས་མཁན་ཏེའུ་ལོ་པའི་རྟོག་པ་རྒྱུད་འབུམ་པ་ནས་ཕྱུང་བ་རྫོགས་སོ།། །།རྒྱ་གར་སྐད་དུ། ཨཱཪྱ་བཛྲ་བྷཻ་ར་བ་དྷཱ་ར་ཎཱི་ནཱ་མ། བོད་སྐད་དུ།
423a6 འཕགས་པ་རྡོ་རྗེ་འཇིགས་བྱེད་ཀྱི་གཟུངས་ཞེས་བྱ་བ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །རྒྱལ་བ་སྲས་དང་བཅས་པ། དྲི་མ་མེད་པ། དྲི་མ
423a7 སེལ་བ། མཐའ་ཡས་པ། མུ་ཐུག་པ་མེད་པ། དམ་པ་སྦྱིན་པ། ཤིན་ཏུ་རྒྱ་ཆེ་བ། ཐམས་ཅད་བདག་ལ་མཐུན་པར་རྟག་ཏུ་མཐའ་ཡས་པའི་དམ་པའི་མཆོག་སྩོལ་བར་གྱུར
iiif viewer powered by OpenSeadragon
