| e-texts navigator |
| Wylie |
415a1 @#། །ཟླ་དང་། །དབང་པོའི་གཞུ་རྣམས་རྟག་མིན་ཏེ། །ཐར་པ་འདོད་པའི་བྱ་བ་ཡང་། །སྒྱུ་མ་ཉིད་ལ་སྒྱུ་མ་རོལ། །ཡེ་ཤེས་གཅིག་པུ་རྣམ་གྲོལ་རྒྱུ། །སྟོང་པ་དཔག
415a2 པར་བློས་མི་ནུས། །དེ་ལ་སྤྱད་ཅིང་གཞན་བཟོད་ན། །བརྟགས་པའི་སྙིང་པོ་དེ་ལ་མེད། །དེ་ལ་དངོས་རྣམས་མ་གྲུབ་ན། །སྒྲུབ་པའི་རིམ་གཞན་སྨོས་ཅི་དགོས། །བྱ་བ་དང་ནི་བྱེད་པ
415a3 དག་། ངེས་པར་དེ་ལ་བརྟག་མི་བཟོད། །ངམ་གྲོག་གཡང་སར་ལྷུང་ཡང་བླའི། །ཆད་པར་རྟོག་པ་འདི་མི་བཟོད། །རྟག་པ་ཉིད་ཀྱང་རིགས་མིན་ཏེ། །དངོས་པོ་ཡོད་པར་ག་ལ་འགྱུར།།
415a4 དཔེར་ན་བྱིས་པ་རྣམས་ལ་མས། །ས་འདིར་སྡོད་དང་མ་ཉིད་ཀྱིས། །འབྲས་བུ་ཤིང་ཐོག་མང་བླངས་ལ། །ཁྱོད་ལ་བདེ་བས་སྦྱིན་ཞེས་བརྗོད། །དེ་བཞིན་རྣམ་པ་དུ་མ་ཡང་། །འཇིག
415a5 རྟེན་རྟོག་པ་ཐ་དད་པས། །དེ་དག་དྲང་བར་བྱ་ཕྱིར་བཤད། །བཅོམ་ལྡན་ལྷ་ཡི་ལྷ་མདུན་དུ། །ཤ་ཆེན་པོ་ཡི་ཞལ་ཟས་དང་། །ཆང་དང་ཏིལ་མར་མ་ཧེ་ཁྲག་།རབ་ཏུ་ཞིམ་པའི་ཟས
415a6 མཆོག་རྣམས། །དུས་རྣམས་རྟག་ཏུ་དབུལ་བར་བྱ། །གསང་སྔགས་རྒྱལ་པོ་ཡི་གེ་བཅུ། །བདག་གིས་རྒྱུན་དུ་གདོན་བྱ་ཞིང་། །བསམ་གཏན་རྟག་ཏུ་བརྩོན་པར་བྱ། །དེ་ལྟར
415a7 ཤེས་ཤིང་སྒྲུབ་བྱེད་པའི། །སྐྱེས་བུ་བློ་ལྡན་དེ་ཡིས་ནི། །སངས་རྒྱས་ཉིད་ཀྱང་མྱུར་འགྲུབ་འགྱུར། །ཞི་སོགས་ལས་ལ་སྨོས་ཅི་དགོས། །གྲོང་ཁྱེར་དཀྲུགས་ན་སྔགས་པ་དེས། །
iiif viewer powered by OpenSeadragon
