| e-texts navigator |
| Wylie |
414a1 @#། །ཁྲུ་དོ་པ་ལ་ཁྲུ་ཕྱེད་བརྩི་།གྲུ་བཞིའི་སྟེང་དུ་ཟླུམ་པོ་ནི། །རྡོ་རྗེ་རྒྱ་གྲམ་ལྡན་བྱས་ལ། །དེ་སྟེང་འཁོར་ལོ་རྩིབས་དྲུག་ལ། །མཚན་མ་དྲུག་ནི་དགོད
414a2 པར་བྱ|་|ལྟེ་བར་མེ་ཡི་དཀྱིལ་འཁོར་ནི། །མཐོ་གང་ཚད་དུ་བྱས་པ་ལ། །མ་ཧེའི་ཁྲག་གིས་ལེགས་པར་བྱུག་།བདག་ཉིད་ལྷོ་ཡི་ཕྱོགས་བལྟས་ཏེ། །མ་ཧེ་ཞལ་གྱི་སྦྱོར་བ
414a3 ཡིས|་|ཐབ་ཀྱི་ནང་གི་ལྟེ་བ་ལ། །མེ་ཡི་ས་བོན་མངོན་བལྟས་ལ། །བསྐལ་པའི་མེ་ཆེན་ལྟ་བུར་བསྒོམ། །དེར་ནི་མེ་ལྷ་བསྒོམ་བྱ་སྟེ། །ཞལ་གསུམ་ཕྱག་དྲུག་ནག་ལ་རྩུབ། །ཕྱག
414a4 གཉིས་རང་འདྲའི་ཡུམ་ལ་འཁྱུད། །གཡས་པའི་ཕྱག་གིས་འགྲོ་རྣམས་ལ། །སྐྱབས་སྦྱིན་མཛད་ཅིང་བགྲང་ཕྲེང་འཛིན། །གཡོན་པས་རིལ་བ་མཆོག་སྩོལ་བརྩོན། །ཞབས་དྲུག
414a5 རིགས་དྲུག་མཚན་མ་བརྫིས། །ཞལ་ནས་མེ་རྣམས་རབ་འཕྲོ་ཞིང་། །འོད་རྣམས་སྣ་ཚོགས་རྣམས་ཀྱིས་བརྒྱན། །དེ་ལྟར་ཤེས་ནས་རབ་བསྲེགས་ན། །འདོད་པའི་དོན་རྣམས
414a6 རབ་ཏུ་འབྱུང་། །དགྲ་བོའི་གཟུགས་རྣམས་ཤ་ཆེན་དང་། །ཆང་དང་མ་ཧེའི་ཁྲག་བཅས་པ། །སྟོང་ཕྲག་གསུམ་དུ་བསྲེགས་བྱས་ན། །བསྒྲུབ་བྱ་ཁྲག་ཏུ་སྐྱུགས་ནས་འཆི། །
414a7 གླང་པོ་རྟ་བོང་ཁྱི་ཤ་ལ། །སྟོང་ཕྲག་གསུམ་གྱིས་དབང་དུ་བྱེད། །བྱ་རོག་འུག་པ་ཁྱི་ཤ་ཆུ། །བསྲེགས་ན་མེ་ལྷ་འབྱེ་བར་འགྱུར། །ཏིལ་དང་ནས་དང་གྲོ་སཱ་ལུ། །ཡུང་བ་གི་ཝཾ
iiif viewer powered by OpenSeadragon
