| e-texts navigator |
| Wylie |
413b1 འཕྲོ|་|སྣ་ཚོགས་མཆོད་པའི་ལྷ་མོས་བསྐོར། །ལེགས་པར་དེ་ལྟར་བྲིས་པ་ཡི། །རྒྱབ་དང་ཕྱོགས་རྣམས་ཐམས་ཅད་དུ། །དུར་ཁྲོད་ཆེན་པོས་བསྐོར་བ་བྲི། །མགོ་རྡུམ་རྒྱུ་མ
413b2 མཁའ་ལ་ཁྱེར། །རྐང་རྡུམ་ལག་རྡུམ་རོ་ལངས་དང་། །ཝ་དང་སྤྱང་ཀི་གཏུམ་པོ་དང་། །མཁའ་འགྲོ་ཕོ་མོ་ཤ་ཟའི་ཚོགས། །བྱ་དང་གཅན་གཟན་སྣ་ཚོགས་བྲི། །སྐྱི་བུང་རབ་ཏུ
413b3 འཇིགས་བྲིས་ནས། །དེར་ནི་སྒྲུབ་པ་པོ་ཡང་བྲི། །གྲི་ཐོད་བཟུང་ནས་ཤ་ཆེན་མུར། །གོས་ནག་གྱོན་ནས་ཁྲག་ཆེན་འཐུང་། །རྟ་དང་མ་ཧེ་རུས་པ་ཡི། །ཕྲེང་བ་བཟུང་ནས་གསང་སྔགས
413b4 འདོན|་|བཅོམ་ལྡན་འདས་ལ་བལྟ་བ་བྲི། །དེ་ལྟར་བྲིས་ནས་ཆང་དང་ཁྲག་།ཤ་ཆེན་གོ་རོ་ཙ་ནས་མཆོད། །མཉམ་གཞག་ལྷ་ཡི་དགེ་འདུན་དེས། །དུས་གསུམ་རྒྱུན་དུ་མཆོད
413b5 བྱེད་ན|་|རྡོ་རྗེ་འཛིན་པ་མྱུར་དུ་ཐོབ། །སྐུ་ནི་རབ་ཏུ་སྦ་ཞིང་གསང་། །ཕན་ཡོན་དམ་པ་འདི་ལས་འབྱུང་། །དཔལ་རྡོ་རྗེ་འཇིགས་བྱེད་ཀྱི་རྟོག་པའི་རྒྱལ་པོ་ལས། བྲིས་སྐུའི་ལེའུ་སྟེ
413b6 གསུམ་པའོ། ། །།དེ་ནས་ཡང་དག་བཤད་པར་བྱ། །རྟོག་པ་མ་ལུས་ཟད་བྱེད་ཅིང་། །ལས་རྣམས་ཐམས་ཅད་འགྲུབ་འདོད་པས། །བློ་ལྡན་སེར་སྣ་རྣམ་སྤངས་ཏེ། །
413b7 བརྟུལ་ཕོད་གཡེང་བ་རྣམ་སྤངས་ནས། །སྦྱིན་སྲེག་ལས་ལ་རབ་བརྩོན་བྱ། །མཚལ་དང་བ་བླ་ལྡོང་རོས་དང་། །བཤན་པའི་གོ་ཐལ་དུར་ཁྲོད་ས། །མི་དང་མ་ཧེ་ཁྲག་གིས་བརྫི། །
iiif viewer powered by OpenSeadragon
