| e-texts navigator |
| Wylie |
413a1 @#། །བོའི་ཁྲག་དང་ཆང་དང་དུག་།གོ་རོ་ཙ་ནས་རས་འཚེས་བྱ། །ལེགས་པར་དམ་པོར་དྲུད་བྱས་ཏེ། །ལུས་ངག་ཡིད་ཀྱི་གནས་སུ་ནི། །བདུད་རྩི་ལྔ་དང་ལྡན་པ
413a2 པའི་ཆུས། །ཡི་གེ་ཨོཾ་དང་ཨཱཿཧཱུཾ་བྲི། །སྐྲ་ཕྱེད་དུར་ཁྲོད་སོལ་བ་དང་། །ཁྲག་ཆེན་ལྡོང་རོས་བ་བླ་ཡིས། །དབང་ཐོབ་དམ་ཚིག་སྲུང་བྱེད་ཅིང་། །ཤིན་ཏུ་གསང་ལ་དམ་པ་ཡི། །རི
413a3 མོ་མཁན་ནི་བརྩོན་ལྡན་དེས། །རྒྱུད་ཀྱི་དོན་ལ་མཁས་བྱས་ནས། །ནག་པོའི་དུས་ཀྱི་མཚན་ཕྱེད་དུས། །གསང་བའི་གནས་སུ་རབ་ཞུགས་ནས། །བཅོམ་ལྡན་རྡོ་རྗེས་འཇིགས
413a4 མཛད་བྲི། །རྩ་བ་མ་ཧེ་ཁྲོས་པའི་ཞལ། །དེ་སྟེང་འཇམ་དཔལ་འཛུམ་པའི་ཞལ། །ལྷག་མ་དཀར་དང་སེར་དང་དམར། །དུ་བའི་མདོག་མཚུངས་གྱེན་སྐྲ་ཅན། །རབ་ཏུ་རྗིད་ཅིང
413a5 ཁྲོ་བའི་ཞལ། །དྲུག་དང་ལྡན་པའི་སྐུ་ལུས་ཆེ། །ཐོད་པ་སྐམ་རློན་རྒྱུ་མ་སྦྲུལ། །རུས་པ་རྡོ་རྗེའི་ཕྲེང་བས་བརྒྱན། །གླང་ཆེན་སྟག་ལྤགས་གྱོན་ནས་ནི། །པདྨ་ཉི་མ་མ་ཧེ་ལ། །
413a6 གཤིན་རྗེ་མནན་ནས་ཞབས་དྲུག་གིས། །གཡོན་བརྐྱང་གཡས་བསྐུམ་གར་གྱིས་འགྱིང་། །ཕྱག་དྲུག་གཡས་ཀྱི་དང་པོ་ན། །རྩེ་གཅིག་གཉིས་པ་ཐོ་བ་སྟེ། །གསུམ་པ
413a7 གཏུན་ཤིང་མཁའ་ལ་འཕྱར། །དགྲ་སྟ་ལྕགས་ཀྱུ་ཞགས་པ་ནི། །གཡོན་པའི་ཕྱག་གིས་འཛིན་པ་བྲི། །ནམ་མཁའི་མདོག་ཅན་ཐལ་བས་བྱུགས། །སྐུ་ལས་ཁྲོ་བོ་དུ་མ
iiif viewer powered by OpenSeadragon
