| e-texts navigator |
| Wylie |
410b1 མར་ཁུ་ཆེན་པོ་ཐོད་པ་ཡི། །ནང་དུ་བླུགས་ནས་བསྐོལ་བྱས་ཏེ། །བཞར་བས་མིག་ལ་བྱུག་བྱེད་ན། །མངོན་ཤེས་དེ་ཉིད་མྱུར་དུ་འཐོབ། །རིགས་ལྡན་རྒྱལ་པོ་ལས་རྙེད་ཅིང་། །མདོག་ལྡན
410b2 ལང་ཚོ་གསར་བཀུག་ལ། །ཙནྡན་ལྡེ་གུ་མང་བྱས་ཏེ། །ལས་ཀྱི་སྦྱེར་བས་དེ་ཉིད་བཅིང་། །ཡང་ན་མེ་ལ་གདུང་བས་གྲུབ། །ོཾ་བཛྲ་ཀྲོ་ཏ་ཡ་མ་རཱ་དཿ། བཛྲ་ཀཱི་ལི་ཀཱི་ལ་ཧ་ན་ཧ་ན་མཱ་ར
410b3 ཡ་ཕཊ། ཅེས་བྱ་བའི་གསང་སྔགས་བརྗོད་བྱས་ལ། །རུས་པའི་ཕུར་བས་གདབ་པར་བྱ། །གསལ་ཤིང་ལ་བཙུགས་སྐྱེ་བུ་ཡི། །རྫས་ལ་བརྟེན་ཏེ་བསྒྲུབ་པར་བྱ། །ཏིལ་མར་བྱུགས་ལ
410b4 ཐོད་པས་བཞར། །མར་མེ་བྱས་པའི་དུད་པ་ཡིས། །མིག་རྣོན་དག་ནི་འགྲུབ་པར་འགྱུར། །གསང་སྔགས་རྒྱལ་པོ་ཐོགས་མེད་ལ། །བསྟེན་པས་ཐོབ་བྱ་མང་ཡོད་ཀྱང་། །འདི་ནི་བརྗོད
410b5 བ་ཅི་ཞིག་དགོས། །ཡང་ན་འདི་ལྟར་ཤེས་བྱ་སྟེ། །རང་ཉིད་སྔགས་དང་ཏིང་འཛིན་ལྡན། །བརྩོན་ཆེན་གཞན་དུ་མ་ཡེངས་པས། །གང་དུ་བརྩམས་པ་དེ་འགྲུབ་འགྱུར། །སྨད་འཚོང
410b6 རང་བྱུང་ཉིད་ཀྱིས་ནི། །སྔོན་བསྟེན་ཙཀྲ་ལེགས་བྲིས་ཏེ། །ལིངྒའི་སྙིང་གར་བཅུག་བྱས་ལ། །རང་མདུན་ཁྲག་གི་ཟླ་གམ་སྟེ། །ཁྲག་གིས་བྱུགས་པའི་སྟེང་དུ་བཞག་།མི་འམ་རྒྱལ
410b7 པོའི་བུ་མོ་དག་། དགུག་དང་དབང་གི་ཡི་གེ་ཡིས། །དེ་ཉིད་དུ་ནི་ངེས་པར་འགྱུར། །ཉལ་སའི་འོག་ཏུ་མནན་པར་བྱ། །མི་གླང་ར་ཁྱི་བོང་ཕག་ཁྲག་།འཁོར་ལོ་བྲིས་ནས་ལིངྒ་ཡི། །
iiif viewer powered by OpenSeadragon
