| e-texts navigator |
| Wylie |
410a1 @#། །ཡི་གེ་ཡ་ཡི་ལྟོ་བར་ཡང་། །མིང་དང་རུས་སུ་ལྡན་བ་བྲིས། །ཕྱོགས་བཞིར་ཡི་གེ་བཅུ་པ་ནི། །མིང་དང་བཅས་པ་བྲི་བར་བྱ། །བརྒྱད་པོ་དག་ལ་རིམ་པ་བཞིན།།
410a2 ཡི་གེ་འདི་དག་བྲི་བར་བྱ། །ོཾ་ཡ་མ་རཱ་ཛ་ཀཱ་ལ་རུ་པ་ཨ་མུ་ཀ་མཱ་ར་ཡ་ཧཱུཾ་ཧཱུཾ་ཕཊ་ཕཊ་སྭཱཧཱ། ཡི་གེ་རྣམས་ལ་བསྐོར་ནས་ནི། །བསྒྲུབ་བྱ་གཟུགས་དང་ལྡན་པ་བྲི། །དེ་ཡི་མུ་ཁྱུད་དག
410a3 ལ་ནི|་|ཡི་གེ་བཅུ་པ་མིང་བཅས་བྲི། །ཕྱོགས་བཞིར་རྩེ་གསུམ་རྡོ་རྗེས་མཚན། །དེ་བཞིན་རྫས་རྣམས་མ་ལུས་པས། །འཁོར་ལོ་ལྟ་བར་ལྡན་པ་བྲི། །གཤིན་རྗེའི་གཟུགས་ནི་རལ
410a4 གྲི་དང་། །དབྱིག་པ་འཛིན་པ་བྲིས་ནས་ནི། །དེ་དང་དེ་ཉིད་ལྟོ་སྦྱར་ལ། །མཚན་ངན་ཐོད་པའི་ནང་དུ་གཞུག་།ཚྭ་གསུམ་སྐེ་ཚེ་དུག་མུ་ཟི། །རོ་ཉེས་བཀང་ནས་དཀྱིལ་འཁོར་ནི། །གྲུ་གསུམ
410a5 དབུས་སུ་གཞག་པར་བྱ། །ཡུངས་དང་བྲ་བོ་སཱ་ལུ་ནག་།ཛ་བྷི་བྲ་བོ་སོགས་རྣམས་ལ། །གསང་སྔགས་རྒྱལ་པོ་བརྗོད་བྱས་ཏེ། །དྲོའམ་དུ་བ་འཐུལ་བར་དུ། །རིམ་དང་རིམ་གྱིས
410a6 ཁྲག་རྣམས་ནི། །མ་ལུས་ཟད་པར་འཐུང་བ་ཡི། །མ་ཡེངས་པར་ནི་བསམ་གཏན་བྱ། །ཡང་ན་བསྒྲུབ་བྱ་ཟ་བར་མཐོང་། །ཤིང་གཅིག་རྩར་ནི་རེངས་པ་དང་། །མལ་འོག་ཏུ་ནི་ཞ
410a7 ཞིང་ལྐུགས། །ཆུ་མདོར་བྱེད་ཅིང་རི་རྩེ་བསྐྲད། །བསད་པ་མེ་ཐབ་འོག་ཏུ་སྦ། །དགུག་པ་ལ་ནི་སྒོ་ཁང་འོག་།ལྷའམ་འཁོར་ལོ་སྒྱུར་བའོ། །བདེ་གནས་རྣམས་ཀྱིས་དབང་དུ་འགྱུར། །
iiif viewer powered by OpenSeadragon
