| e-texts navigator |
| Wylie |
392b1 གར་འཁོར་ལོའི་སྔགས་བཅུག་སྟེ། མིའི་རུས་པའི་ཕུར་བུས་གནས་ལྔར་གདབ་པར་བྱའོ། །ཚིགས་ཐམས་ཅད་ལ་ཚེར་མ་རྣོན་པོས་དགང་བར་བྱའོ། །དེ་ཐོད་པ་གཉིས་ཀྱི་དབུས་སུ
392b2 བཅུག་སྟེ། དེ་གྲོག་མཁར་དང་གནས་བདུན་གྱི་སས་གཤིན་རྗེའི་གཟུགས་ཁྲུ་གང་ཙམ་ཞལ་གཙིགས་པ། གསུས་པ་ཆེ་བ། ཞལ་གཅིག་པ། ཕྱག་གཉིས་པ། ཕྱག་ན་རལ་གྲི་དང་།
392b3 ཞགས་པ་འཛིན་པ། གཅེར་བུ་སྐྲ་བསིལ་བ་བྱས་ལ། དེའི་སྙིང་གར་ཐོད་པ་གཉིས་བཅུག་སྟེ། ཉི་མ་ཕྱེད་དམ་ནམ་ཕྱེད་ན་དུར་ཁྲོད་དམ་རོ་བསྲེགས་པའི་སར་སྤས་ཏེ། ཤིན་ཏུ་རིང
392b4 པར་མགོ་ལྷོར་བསྟན་ལ་ཁ་ཐུར་དུ་ཕུབ་ལ་སྤའོ། །ཁྱིམ་དུ་འོངས་པ་དང་མཉམ་པར་བཞག་པས་མ་ཧེའི་གདོང་གི་སྦྱོར་བས་བསྒྲུབ་བྱའི་མིང་དང་བཅས་པར་ཡི་གེ་བཅུ་པའི་སྔགས
392b5 བཟླས་པ་བྱས་ན་ཉི་མ་གསུམ་གྱིས་འཆིའོ། །ཕྱུང་ནས་བཀྲུས་ན་ཐར་པར་འགྱུར་རོ། །དེ་ནས་རེངས་པའི་རབ་ཏུ་སྦྱོར་བ་གསུངས་ཏེ། ཏེའུ་ལོ་པའི་པགས་པ་ལ་དུག་ལ་སོགས་པའི
392b6 རྫས་ཀྱིས་ཡི་གེ་བཅུ་པའི་སྔགས་བྲིས་ལ། པགས་པ་དེ་བསྒྲུབ་བྱའི་རྐང་རྗེས་ཀྱི་རྡུལ་དང་། གཅིན་བཏང་བའི་ཤུལ་གྱི་སས་བཀང་ལ་དེའི་སྐྲས་བཅིང་བར་བྱའོ། །ཕྱི་ནས་བོང་བུའི་གཅིན
392b7 དང་། རྣམ་པར་སྣང་མཛད་དང་ལྷན་ཅིག་ཏུ་བརྫིས་ལ་ཁམ་ཕོར་དགང་བར་བྱའོ། །དེར་འཁོར་ལོ་བཅུག་ལ་རོ་བསྲེགས་པའི་མེ་ལ་བཞག་སྟེ། རྐང་པ་གཡོན་པས་མནན་ལ་གཤིན
iiif viewer powered by OpenSeadragon
